Hosea 7:5 - O Debleskro Drom 2021 (Sinte)

⁵ Ap maro baro rajeskro diwes pijenn pen i pralstune mates i moljatar. Un o baro rai beshell pes khetne kolentsa, kai san pral halauter.

O Debleskro Lab 2024 (Sinte-Manouche)

⁵ Ap maro baro rayeskro dives piyenn pen i pralstoune mates i molyatar. Oun o baro ray beshell pes khetne kolentsa, kay san pral halauter.

Hosea 7:5 Referans Kwoze

Jesaja 28:1

Djungeles djal tuke, tu foro Samaria! Tu hal tchiddo ap i berga, hoi hi tardo pral o brawelo them. Un hal har i rajeskri stadi. I menshe dran o them Efrajim, kai i moljatar mate hi, sharenn pen tuha. Tiro shukapen hi har i blume, hoi merell tele.

Efesarja 5:18

Ma pijenn jaake bud mool, te wenn mato! Te han mato, palle krenn tumer hako dinelo koowa. Mukenn o Debleskro Ducho o rai an tumende te well, un wenn pherdo lestar!

Markus 6:21

Koi was i diwes, kai hi mishto i Herodiake. O Herodes was i bersh phureder un mukas i baro chapen te krell. Pash ko chapen wan i pralstune pral peskro them, ninna i pralstune lurde. Un i brawele dran o them Galilea his ninna koi.

Mateo 14:6

Koi was ko diwes, kai was o Herodes i bersh phureder. Un job mukas i baro chapen te krell. Un i Herodiakri tchai was, un khelas glan leste un glan kolende, kai pash leste hi. Un lakro khelepen his jaake shukar an leskre jaka,

Daniel 5:23

Un tu hadal tut pral leste, ko bolepaskro rajeste, un penal, te anenn le i khore dran leskro kheer glan tute. Un tumer pijan mool dran lende, tu un tire bare mursha, ninna tire romja un wawar djuwja. Un tu sharal i deblen dran rup un sonakai, dran lolo saster un wawar saster, kasht un bar, kol deblen, kai gar dikenn un gar shunenn. Ko Debles, koles tiro ducho an peskro wast hi, un pash koleste tire tsele dromma hi, koles hadal tu gar.

Gosewe laba 20:1

Te pijeh i sorelo pipen, weh diwjo un saneh pral lautereske. Kowa, kai jaake bud pijell, te well lo mato, koles hi kek goswepen.

Gosewe laba 13:20

Kowa, kai khetne hi kolentsa, kai gosewo hi, kowa well ninna gosewo. Kowa kai i maal hi i dinelentsa, kowa well bibachtelo.

Debleskri gili 69:12

Har riwom i gono an, te sikrap har pharo miro dji hi, kran le i sapaskri gili pral mande.

Debleskri gili 1:1

Bachtelo hi kowa, kai shunell gar ap kowa, hoi i tchilatche penenna, Bachtelo hi kowa, kai djal gar kolentsa, kai mukan o Debleskro drom. Bachtelo hi kowa, kai beshell gar pash kolende, kai sanenn pral o Debleste.

1. Rajengro liil 13:4

Un har shunas o baro rai i laba o Debleskro murshestar, kol laba, hoi ko Debleskro mursh win kharas pral koi chatchepaskri an Betel, koi sikras o Jerobeam peskro wasteha ap leste, un penas: “Taprenn les!” Koi nashras leskro wast peskri soor, un job nai tserdas les gar pale pash peste.

1. Mose 40:20

Ap o triinto diwes his o diwes, kai was o baro rai i bersh phureder. Un job kras i baro chapen kol tsele pralstunenge, kai leske budran, un mukas kol dujen, ko pralstunes pral o pipen un o pralstunes pral o maro, dran o stilepen win.

Jesaja 28:14

Tumer pre-phurde, kai penenn i menshenge an o foro Jerusalem, hoi le hunte krenn, kanna shunenn o lab o baro Deblestar:

Hosea 7:3

Pengro tchilatchepah krenn le o baro rajes bachtelo, un pengro chochepah i pralstunen.