Hosea 7:15 - O Debleskro Drom 2021 (Sinte)

¹⁵ Me homs lengro sikepaskro un krom len soreles. Un len hi tchilatchepen an o dji, hoi kamenn le mange te krell.

O Debleskro Lab 2024 (Sinte-Manouche)

¹⁵ Me homs lengro sikepaskro oun krom len zoreles. Oun len hi čilačepen an o dji, hoy kamenn le mange te krell.

Hosea 7:15 Referans Kwoze

Nahum 1:9

Tumer hadenn tumen pral o baro Debleste. Hoske? Job dell tumen jek dap, te merenn halauter. Koi bibacht well gar i duito kopo.

Debleskro tsiro 3:19

Lauteren, kai kamau o djijestar, kolende sikrau lengri doosh, un penau lenge dawentsa, te shunenn le ap mande. Mukenn kanna tumaro tchilatcho drom, un awenn pale ap miro drom!

Hebrearja 12:5

Ma bistrenn kol laba, hoi rakras o Dewel peskre tchawenge an o dji: Dikenn mire tchawe, kowa hi tumenge mishto, te dap tumen i phagi. Te tchingrau ap tumende, ma nashenn mandar!

2. Korintarja 10:5

Te penenn jon, te dals kek Dewel, sikrah mer, kai lengre pre-phurde laba gar tchatcho hi. Halauter, hoi lenge an o shero trujel djal un hadell pes pral o Jesus Kristeste pre, dah mer paash.

Remarja 1:21

Ninna te djinan le o Deblestar, sharan le les gar, un parkran pen gar pash leste. Na-a, jon djan pal kowa, hoi an lengro shero hi un tchi moldo hi. Un lengre djia haiwan buder gar, hoi mishto hi.

Bičepangre 4:25

O Debleskro Ducho rakras dran o Davideskro mui: Hoske hi i menshe ap kai phub tchilatcho? Hoske krenn jon kowa, hoi tchitcheske hi?

Jeremia 17:9

Koon nai prindjrell o mensheskro dji? Tchi hi jaake tchilatcho un chocheno har o mensheskro dji.

Gosewe laba 3:11

Miro tchawo, ma dik tchilatches, te dell tut o baro Dewel i phagi! Ma naash lestar krik, te dell lo tut trad.

Debleskri gili 94:12

Bachtelo hi kowa, koneste tu, baro Dewel, leskri doosh sikreh, koleste tu sikreh, har te djiwell lo.

Debleskri gili 62:3

Job hi mange har i baro sorelo kheer ap i barreskri berga, kai man khatrau, un job ap mande jak della, jaake te perap gar.

Debleskri gili 2:1

I menshe an i wawar themma hi diwjo. Hoi kamenn le? Jon hadenn pen pral o baro Debleste! Hoske? Hoi le krenn, hi tchitcheske!

Hiob 5:17

Dik, bachtelo hi ko mensho, koleske o Dewel leskri doosh sikrell! Doleske ma hade tut khatar leste, te dell tut o sorelo Dewel.

2. Rajengro liil 13:23

Un o baro Dewel his latcho ap i Israelende un kras peskro dji lenge pre un dikas kamles ap lende, jaake har job peskro lab das o Abrahameste, o Isaakeste un o Jakobeste. Un job das len gar an o merepen un witsras len gar pestar krik bis ap kau diwes.

2. Rajengro liil 13:5

Un o baro Dewel bitchras i Israelenge jekes, kai len win las dran i tchilatche wasta i menshendar dran o them Syria, te nai djiwenn i Israelitarja pale an pengre khera, jaake har glan ko tsiro his.

Debleskri gili 140:2

Baro Dewel, le man win dran i wasta kol tchilatchendar! Khate man glan i marepangre!

Hosea 13:9

Israel, mange sikral o dumo, kai me kokres kowa hom, kai nai lell tut dran o merepen win. Jaake aneh bibacht pral tute.