Hosea 6:1 - O Debleskro Drom 2021 (Sinte)

¹ Awenn, te djas pale pash o baro Debleste! Job dukas men, un job krell men pale sasto. Job das men dawa, un job pandell men pale khetne.

O Debleskro Lab 2024 (Sinte-Manouche)

¹ Avenn, te djas pale pash o baro Debleste! Yob doukas men, oun yob krell men pale sasto. Yob das men dava, oun yob pandell men pale khetne.

Hosea 6:1 Referans Kwoze

5. Mose 32:39

Dikenn kanna dren, te hom me kokres o Dewel, dell kek wawar Dewel har man! Me marau un me krau djido, me dukrau un me krau sasto, un dell kek, kai jekes dran miro wast nai win lell.

Hiob 5:18

Job dukrell, un palle tchiwell lo i pandepen ap ko dukepen. Job dell khetne, un leskre wasta krenn pale sasto.

1. Samuel 2:6

O baro Dewel dell temerl, un job krell djido. Job anell tele pash i mulende un pale pre.

Hosea 14:4

Mer putchah buder gar kolendar dran o them Assur, te wenn le menge ap i rig, un djinah, mari soor well gar mare grajendar un wurdja. Un ap kowa, hoi mer mare wastentsa kram, penah buder gar: “Tumer han mare debla.” Tu kreh tiro dji pre kolenge, kolen kek dad buder hi.

Jesaja 55:7

Koon kamas tchi o Deblestar te djinell, kowa te djal kanna peskro tchilatcho dromestar tele! Un kowa, kai tchilatcho koowa an peskro shero hi, job te mukell sawo koowa, un well pale pash maro baro Debleste, jaake te krell job peskro dji leske pre, un lell leskri doosh krik.

Jeremia 30:17

Tut un tiro dukepen krau me pale sasto, penell o baro Dewel, ninna te penenn le ap tute ‘o praassedo them’ un: ‘o foro Zion, pal koleste kek putchella’.

Jesaja 2:3

un penenn: “Awenn, te djas pre ap i berga o baro Deblestar, pash o kheer o Jakobeskro Deblestar, te sikrell lo men peskre dromma, te djinas, hoi lo mendar kamell.” O baro Debleskre laba djan win dran Zion. Dran o foro Jerusalem rakrell lo i menshentsa.

Hiob 34:29

Te rikrell pes o Dewel pale, nai penell kek leske: ‘Tu anal doosh ap tute!’ Te khatrell lo pes, nai dikell les kek. Hoi nai krenn i menshe, hoi nai krell i natsjona,

Hosea 14:1

I menshe an o foro Samaria lenn pengri phagi. Jon mukan pen tchi te penell pengro Deblestar. Doleske wenn le o chareha maredo. Un lengre tikne tchawe wenn mulo dino. Un i djuwja, kai lenn i tchawo, wenn pre tchinle.

Jeremia 50:4

An kol diwessa un ap ko emligo tsiro, penell o baro Dewel, wenn kol menshe dran o them Israel, khetne kol menshentsa dran o them Juda un djan trujel o ropah, un rodenn man, pengro Debles.

Jeremia 3:22

Awenn pale pale, tumer kai djan tumenge mandar! Un me kamau lauter bistrell, hoi kran. Dik, mer wah pash tute. Tu hal o baro Dewel, maro rai.

Jesaja 30:26

An ko tsiro, kai pandell o baro Dewel i pandepen trul o dukepen peskre menshendar, hoi job len das, un krell lengro nasselo un ratlo mass pale sasto, hi o tchon jaake sorelo har o kham. Un o kham hi efta kope sorleder har kanna.

Jeremia 33:5

Tumaro kurepen lentsa hi tchitcheske. Jaake wenn i khera an o foro pherdo i mule menshendar, kai mukom me an miri choli mulo te dell. I menshe an kau foro his jaake tchilatcho, te kamom buder gar ap lengri rig te well.

Debleskri gili 30:7

Har mange mishto djas, penom: “Tchi nai well, hoi nai krell mange tchomone.”

Jeremia 30:12

O baro Dewel penell: Tiro tchinepen hi djungelo, tiro dukepen nai krell kek mensho sasto.

Jesaja 30:22

Palle dikenn tumer ap tumare rupene un sonakangre figure har ap tchomone, hoi pale-tchiddo hi. ‘Krik kolentsa’ penenn tumer un witsrenn len krik har tchik.

Zefanja 2:1

Tumer menshe, kai kamenn pen gar te ladjell! Dikenn dren, hoi kran! Un awenn pale pash o baro Debleste,

1. Samuel 7:3

Kote penas o Samuel ap lende: “Te kamenn tumer tumaro tselo djijeha pale ap o baro Debleskro drom te djal, palle tchiwenn i chochene deblen tumendar krik, ninna i debletsa Astarte! Patsenn ap o baro Debleste, un mangenn les kokres an un kek wawares! Palle lell job tumen win dran i wasta i Filistarendar.”

Hiob 16:9

Leskri choli dandras man khetne un las man palla. Job sikrell peskre danda, un peskre jaka dikenn ap mande har te wans le tchurja.

Debleskri gili 6:2

Baro Dewel, tu hal chojedo ap mande. Ma de man sawi bari phagi! Ma de man gar an tiri choli!

Debleskri gili 71:20

Tu mukal bud un bari daar ap mande te well. Un tu deh man pale newo djipen, un aneh man pale win dran o telstunepen i phubjatar.

Sikepaskro 3:3

Dell jek tsiro, kai well maredo, un jek tsiro, kai well o dukepen sasto; jek tsiro, kai well o kheer tele phagedo, un jek tsiro, kai well o kheer pre-tchiddo.

Jesaja 17:7

Ap ko diwes dikenn i menshe ap koleste, kai len kras. Kowa hi o Israeleskro Dewel.

Jeremia 33:6

Kanna shun, me kamau kau foro pale soreles te krell, un leskro dukepen sasto te krell, te djal leskre menshenge mishto, un te nai djiwenn le kek darjah.

Jeremia 50:5

Jon putchenn pal o drom ap i berga Zion, kote kamenn le te djal: “Awenn, te kras men ap o drom pash o baro Debleste! Mer kamah pale leskre menshe te well, un job te well maro Dewel! Kowa te atchell jaake hako tsiro, mer kamah les gar te bistrell.”

Ropaskre gilja 3:11

Job tserdas man tele o dromestar, dandras man an kotja, un mukas man tchiddo.

Hosea 11:10

Palle djan le o baro Debleske palla, un job dell gole har i lewo, awa, job dell gole har i lewo, un leskre tchawe wenn trisslepah pash leste fun kotar, kai o kham tele djal.

Hosea 12:6

job, o rai pral o bolepen un i phub, leskro lab hi ‘baro Dewel’.

3. Mose 14:48

Te djal o rashai pale dren, un job dikell, te djas ko djunglepen gar dureder pal kowa, kai makan le wawar tchik ap i barra, palle rakrell o rashai win, te hi o kheer buder gar pale-tchiddo. Ko djunglepen djas krik.

2. Familjakro liil 30:6

Un o baro rai un i pralstune dan i bitchepangren i lila an o wast. Un kolla nashan an o tselo them Israel un Juda, un dan win gole jaake har o baro rai lenge penas: “Tumer Israelitarja, kai pral atchan un win lino wan dran i wasta kol bare rajendar pral o them Assur, awenn pale pash o baro Debleste, ko Dewel tumare phurendar, o Abraham, o Isaak un o Israel! Palle well job pale pash tumende.

Hiob 22:23

Te weh tu pale pash o sorelo Debleste, krell lo tut pale sorelo. Tchip o tchilatchepen dur krik dran tiro kheer!

Hosea 3:5

Pal ko tsiro wenn i Israelitarja palpale pash o baro Debleste, kai lengro Dewel hi, un pash lengro baro rajeste – jekeste dran o kheer David. Un trisslepah wenn le pash o baro Debleste. Un job well lenge latches an ko tsiro, hoi wella.