Hosea 4:4 - O Debleskro Drom 2021 (Sinte)

⁴ Kek te tchingrell ap i wawareste un penell: ‘Kowa hi tiri doosh.’ Na-a, kokres tumentsa, kol rashajentsa hunte tchingrap, penell o baro Dewel.

O Debleskro Lab 2024 (Sinte-Manouche)

⁴ Kek te čingrell ap i vavareste oun penell: Kova hi tiri doosh. Na-a, kokres t'mentsa, kol rashayentsa hounte čingrap, penell o baro Devel.

Hosea 4:4 Referans Kwoze

5. Mose 17:12

Te hi jek koi, kai hi jaake pre-phurdo, te shunell lo gar ap o rashajeste, kai krell i budi o baro Debleske, oder ap o tchatchepaskro mursheste, palle hunte well ko mursh maredo. Tumer hunte lenn o tchilatchepen dran Israel win.

Amos 5:13

An sau tchilatcho tsiro hi ko mensho gosewo, koon penell kek lab koi pral.

Hosea 4:17

I menshe an o them Efrajim mukan pen chochene deblentsa dren. Mu te krenn le har kamenn le!

Amos 6:10

Te well palle o kako jekestar lendar, un lell les, te paskrell lo les, un dell gole an o kheer: ‘Hi gomme jek an o kheer?’ Un te hi i wawar khatedo kote, penell lo: ‘Na-a! Kek, kokres me.’ Palle penell o kako: ‘Atch, mer hunte rakras gar o baro Debleskro lab win!’

Ezekiel 3:26

Jon hi sawe menshe, kai mukenn pen tchi te penell. Doleske krau, te nai rakress buder gar, un nai dess len buder gar trad.

Jeremia 18:18

Koi hi menshe, kai penenn: Awenn, te rakras koi pral, hawo tchilatchepen mer nai krah ap o Jeremia. Men hi doha rashaja, kai nai sikrenn men maro drom, un doha gosewe, kai nai penenn menge, hoi te kras, un doha Debleskre rakepangre, kai nai penenn menge o Debleskre laba. Mer tapras les leskre labentsa, un das tchi ap leskro rakepen!

Amos 5:10

Chojedo han tumer ap koleste, kai tumenge o tchatchepen penell, un tumende sikrell, kai kowa gar mishto hi, hoi kran.