Hosea 2:2 - O Debleskro Drom 2021 (Sinte)

² Palle wenn i menshe dran o them Juda un i menshe dran o them Israel khetne. Un khetne rodenn le penge jek pralstunes win, te well lo o rai pral lende. Un jon djiwenna an o tselo them. Hawo baro diwes well ko diwes, kai djal jaake, har o lab Jesreel kharell!

O Debleskro Lab 2024 (Sinte-Manouche)

² Palle venn i menshe dran o them Youda oun i menshe dran o them Israel khetne. Oun khetne rodenn le penge yek pralstounes vin, te vell lo o ray pral lende. Oun yon djivenna an o tselo them. Havo baro dives vell ko dives, kay djal yaake, har o lab Yesreel kharell!

Hosea 2:2 Referans Kwoze

Jesaja 50:1

Kawa penell o baro Dewel: Kai hi ko liil, hoi me hunte tchinoms, kai dren tardo hi, te mukom me tumari dat? Koon hi kowa, pash koleste man sijaan wals un tumen leske bikroms. Dran tumari doosh han bikedo. Tumer peran miro dromestar tele. Doleske hi tumari dai muklo.

Ezekiel 23:45

Doleske krenn tchatchepangre mursha pral lende o tchatchepen win, un denn len i phagi jaake har kol romjenge i phagi dino well, kai chochran pengre romen un maran menshen. Kal dui chochran pengro romes un ap lengre wasta hi rat.

Jeremia 3:13

Tu hunte kress tchi, har te dikess dren, kai anal doosh ap tute, har hadal tut pre pral o baro Debleste, kai tiro Dewel hi. Tu nashal kai te koi trujel, te mangess wawar deblen an tel hake senele ruka, un shunal gar ap mire laba, penell o baro Dewel.

Ezekiel 16:25

Un kote kai i dromma khetne wenn, kral mangepaskre platse un kral te was tiro shukapen tchadepaske. Un sowal hakeneha, kai was tuke ap o drom. Un tiro lubjengro koowa was budeder un budeder.

Jeremia 3:1

O baro Dewel penas: Te bitchras i mursh peskri romjat krik, un joi djal pash i wawar mursheste, nai lell job lat gar pale. Palle wals ko them pale-tchiddo. Tu dal tut trujel budentsa, un kameh pale pash mande te well?

Hosea 2:5

Te krell li kowa gar, palle riwau lat win, te hi li nanges tchiddo, har ap ko diwes, kai li boldo was. Un krau, te well o them i mulo them, kai kek pani hi, kai hunte merell li i trushatar.

Hosea 1:2

Har rakras o baro Dewel o ersto kopo ap o Hosea, te penell job leskre laba i menshenge, penas lo ap leste: Rode tuke i lubni un romedine lat! Tut hunte well tchawe, kai i lubjatar ap i phub anlo wenn. Jaake sikreh: I menshe an kau them hi har i lubni: Jon mukan man un nashenn wawar deblenge palla.

Jeremia 19:3

Un pen: Shunenn o baro Debleskro lab, tumer bare raja pral o them Juda un menshe an Jerusalem. Jaake penell o baro Dewel, ko rai pral o bolepen un i phub, kai o Israeleskro Dewel hi: Shunenn, me kamau bari bibacht pral kau foro te anell, kai hakeno, kai shunell kowa, leskre kanda dukenna.

2. Korintarja 5:16

Doleske dikah kanna buder gar jaake ap i mensheste har an o tsiro, har hams gomme gar patslo. Ninna prindjrah mer o Jesus Kristes kanna wawartchandes har an ko tsiro, har djiwas lo ap i phub.

Ezekiel 23:43

Un me penom mange: Kolla kai jaake bud wawar murshentsa sowan, un kolestar phuro un khino wan, krenn le dureder pengro lubjengro koowa? Awa, jon nai mukenn les gar un hi bachteles koi pashel.

Ezekiel 20:4

Ap mande penas lo: Tu mensho, rake pral lende o tchatchepen win! Kre kowa! Rike lenge ko djungelo koowa glan i jaka, hoi lengre phure kran!

Ezekiel 16:20

Tire tchawe un tcha, kai hi mire tchawe, kolen lal tu un dal len lenge mulo, te chan le len pre. His tuke gar doha, te mukal man?

Jeremia 2:2

Dja koi, un rake glan i tsele menshende an o foro Jerusalem, un pen: Kowa penell o baro Dewel: Israel, me djinau, har ap mande rikral har terno hals, un har kamal man har i pirni peskro pirnes, un har tu mantsa djal an o mulo tato them, an ko them, kai tchi bares well an i phub.

Jesaja 58:1

De bari gole! Rike tut gar pale! Hade tiri gole, te well li jaake sorelo har i phurdepaskri! Un pen mire menshenge, hawo tchilatcho koowa jon kran! Awa, pen o khereske Jakob, hawi doosh job ap peste las!

Hosea 2:1

Un i Israelitarja wenn jaake bud har i santa pash o baro pani hi. Kek nai penella, har bud kote tchiddo hi. His i tsiro, kai penas o Dewel ap lende: “Tumer han gar mire menshe.” Palle well i tsiro, kai ap lende penlo well: “Tumer tchawe o djido Deblestar!”

Hosea 4:5

Doleske perenn tumer rashaja ap o diwes, un o Debleskro rakepaskro, kai pash tumende hi, perell ratsjake. Un o kheer Israel, tumari dai, krau paash.

Jesaja 11:12

Un job tchiwell i sikepen pre, te sikrell lo kol menshen an i wawar themma, te anell lo kolen khetne, kai dran Israel un Juda win tradedo his. Kolen anell lo pale dran hake rigja i phubjatar.

Jeremia 3:18

Ap ko diwes djan kol menshe dran o kheer Juda pash kol menshende dran o kheer Israel: Un jon djan khetne khere dran o norden an ko them, hoi dom me tumare phurende, te atchell kowa lengro.

Micha 2:13

Lengro pralstuno krell lenge o drom pre un djal glan lende. Jaake phagenn le o foreskre wudja pre un djan win. Un lengro baro rai djal glan lende. Kowa hi o baro Dewel, kai hi lengro pralstuno.