Hosea 2:15 - O Debleskro Drom 2021 (Sinte)

¹⁵ Me dau lat i phagi hako diweske, kai nashas li peskre pirnenge palla, kol chochene deblenge, un chatchras sungepaskro koowa lenge, un tchiwas kanengre un werklia ap peste; te krell li pes shukar lenge. Un man bistras li! Kowa penell o baro Dewel.

O Debleskro Lab 2024 (Sinte-Manouche)

¹⁵ Me dau lat i phagi hako diveske, kay nashas li peskre pirnenge palla, kol rhorhene deblenge, oun rhačras soungepaskro koova lenge, oun čivas kanengre oun verklia ap peste; te krell li pes shoukar lenge. Oun man bistras li! Kova penell o baro Devel.

Hosea 2:15 Referans Kwoze

Ezekiel 28:26

Un jon djiwenn an ko them, un len hunte well kek daar i wawar themendar. Jon krenn penge khera un tchiwenn drakengre ruka an i phub. Un kek nai krell lenge tchilatchepen. An ko tsiro kai dau kol themma trul lende pengri phagi, kai tele dikan ap i Israelitarja, dikenn un haiwenn i Israelitarja, te hom me o baro Dewel lengro Dewel.

Jeremia 2:2

Dja koi, un rake glan i tsele menshende an o foro Jerusalem, un pen: Kowa penell o baro Dewel: Israel, me djinau, har ap mande rikral har terno hals, un har kamal man har i pirni peskro pirnes, un har tu mantsa djal an o mulo tato them, an ko them, kai tchi bares well an i phub.

Hosea 11:1

Har o Israel terno his, kamom les o djijestar, un dran o them Egiptia kharom les, miro tchawes.

Josua 7:26

Un jon tchiwan bud barra ap lende pre. Kolla hi gomme kau diwes koi. Doleske kharell kai platsa gomme kau diwes ‘Tala Achor’. Kanna his o baro Dewel buder gar chojedo.

Bičepangre 14:27

Un o Paulo un o Barnabas wan kanna pale pale an kau foro. Kote dan le i patslen khetne gole, un penan lenge, kai o Dewel lentsa his, un har bud koowa job kras, un har job ninna kolen, kai kek bibolde hi, pash peste gole das, un jon ap leskro drom wan.

Johanni 10:9

Me hom ko wudar. Te djal jek an kau wudar dren, kowa djal gar nashedo. Job djal dren un win, un job hatsell shukar senlepen chapaske.

Amos 9:14

Me anau mire menshen Israel pale an lengro them. Un jon krenn i tele-phagede forja pale newes, un djiwenn koi dren, un tchiwenn drakengre ruka an i phub, un pijenn lengri mool, tchiwenn ruka an i phub un chan lengre rukengre.

Ezekiel 16:60

Ninna te rikral tiro lab gar, bistrau me kowa gar, hoi tuha win krom, har hals terno. Un me krau tuha pale newes win, te wap tiro Dewel. Un kowa, hoi tuha newes win krau, atchell hako tsireske.

Ezekiel 16:22

Un pash ko tselo djungelo koowa, hoi tu kral, un har i lubni djiwal, bistral ko tsiro, kai terno hals, un nango hals un ratles tchiddo hals.

Ezekiel 16:8

Un me djom miro drom, kai tu hals, un dikom tut. Un tiro tsiro was, te kamess i murshes un kress le bijab. Kote tchiwom miri baja pral tute un tchakrom tut. Un me djom tuha i sowel dren, un pandom miro dji ap tute, un penom: “Tu wess miro.” Kawa hi, hoi penas o baro Dewel, maro rai.

Jesaja 65:21

Jon tchiwenn penge khera pre tardo, un djiwenn dren. Un jon tchiwenn penge drakengre ruka an i phub un chan lengre drake.

Zakarie 9:12

Tumer pandle, awenn pale khere an ko sorelo foro, tumer, kai djinenn: Mer atchah gar hako tsireske pandle. Kau diwes penau tumenge: Me dau tumende dui kope jaake bud latchepen har kol duka, hoi hunte lan ap tumende.

Ropaskre gilja 3:21

Jek koowa bistrau gar – ap kowa rikrau soreles:

Jeremia 32:15

O baro Dewel, ko rai pral o bolepen un i phub, kai o Israeleskro Dewel hi, penell: O tsiro well, kai wenn pale khera ginlo an kau them, ninna hachetikri phub un drakengro them.

Debleskri gili 106:12

Palle patsan le leskre laba, un giwan leske gilja.

4. Mose 21:17

Ap ko tsiro giwas o Israel koi gili: Pani, ab pre! Giwenn pral leste!

Hosea 12:9

Job penell peske: Me wom brawelo, un lom mange i baro brawlepen khetne. Hi kowa i tchilatcho koowa? Hoi hi djungelo koleha, hoi mange khetne lom?

Jesaja 65:10

Mire menshenge, kai putchenn pal mande, well i tala Sharon koi platsa, kai anenn le pengre bakre, un i tala Achor well koi platsa, kai atchenn pengre grumja.

Hosea 2:12

Glan lakre pirnengre jaka riwau lat nanges win. Un kek nai lell lat dran miro wast win.

Debleskri gili 129:1

I gili te giwell ap o drom an Jerusalem. Bud kope kran le mange o djipen phares jaake rah har djiwau, – kowa hunte penell o kheer Israel –

Jeremia 2:1

O baro Dewel penas ap mande:

Jeremia 3:4

Un kanna peneh ap mande: ‘Kamlo dad, tu hal miro maal jaake rah har djiwau.

Jeremia 29:11

Djinau mishto, hoi man tumenge an o shero hi: latcho koowa un gar tchilatcho koowa, te djal tumenge jaake har tumer kamenna.

Ezekiel 28:25

Me, o baro Dewel, tumaro rai, penau: An ko tsiro, kai anau me i Israelitarjen pale khetne dran i tsele wawar themma, kai wan le tradedo, sikrau koleha i menshen an i tsele themma te hom me o tchatcho Dewel. Un i Israelitarja djiwenn pale an pengro them, hoi dom me miro budepaskres, o Jakobeste.

Hosea 12:13

O Jakob hunte nashas peske an o them Aram, un o Israel hunte budras i wawareske, te lell lo i romjat, un hunte das jak ap i bakre, te nai romedinerell lo lat.

Hosea 13:4

Me o baro Dewel, hom tiro Dewel, fun ko tsiro, kai anom tut dran o them Egiptia win. Tu te prindjress kek wawar debles har man, Un kek wawar nai lell tut dran o merepen win har me kokres.

Čačepangre 8:34

un bistran pengro baro Debles, koles, kai len dran o wast kolendar sorjah win las, hoi trul lende djiwan un pen lentsa kuran.

1. Rajengro liil 16:31

Un har te wals gar doha, kai kras job ko tselo tchilatcho koowa, hoi ninna o Jerobeam kras, koleskro dad o Nebat his, romedineras lo i Isebel, koi tchat o rajestar pral Sidon. Leskro lab his Etbaal. Un o Ahab djas koi un witsras pes glan o chocheno debleste Baal tele, un mangas les an.