Hosea 14:2 - O Debleskro Drom 2021 (Sinte)

² Tu Israel, dja pale pash o baro Debleste, ko tiro Dewel hi! Koi doosh, hoi ap tute anal, mukas tut an i bibacht te perell.

O Debleskro Lab 2024 (Sinte-Manouche)

² Tou Israel, dja pale pash o baro Debleste, ko tiro Devel hi! Koy doosh, hoy ap toute anal, moukas tout an i bibarht te perell.

Hosea 14:2 Referans Kwoze

Hebrearja 13:15

Dran kowa parkras men pash o Debleste, sharas les hako tsiro, un kras o Jesuseskro lab bares.

Hiob 7:21

Hoske leh tu ko tchilatchepen gar krik mandar, hoi krom, un bistreh miri doosh? An i tikno tsiro wau tel i phub. Te rodeh pal mande, hom me gar buder koi.

1. Johanni 3:5

Tumer djinenna, kai o Jesus Kristo was, te lell lo ko tchilatcho koowa krik, hoi kram. Tumer djinenn ninna, kai an leste kek tchilatchepen hi.

1. Petro 2:5

Ninna tumer han sawe djide barra. Tumentsa kamell o Dewel peskro kheer pre te tchiwell. Job rodas tumen win, te wenn tumer leskre rashaja, un te wenn leske koi. An tumende das o Jesus Kristo peskro Ducho. Doleske nai sharenn o Debles jaake, har job kowa kamella.

2. Timoteo 1:9

Job las men dran o tchilatchepen win, un das men gole, te djiwas leha khetne. His gar dran maro latcho koowa, te das lo men gole. Na-a. Kowa his an leskro dji, te was lo menge latches. Har o bolepen un i phub gomme gar koi his, his an leskro dji, te bitchrell lo o Jesus Kristes menge ap i phub.

Louka 18:13

Ko pale-tchiddo atchas palla tardo, un hadas gar peskro shero pre. Un job das ap peskro betch, te sikrell lo, kai leskro tchilatcho koowa khaitas les, un penas: Miro Dewel, me hom i tchilatcho mursh. Dik ap mande un ab mange latcho!”

Joel 2:17

Penenn i rashajenge, kai budrenn o baro Debleske, te rowenn le ap i platsa mank o Debleskro kheer un leskri chatchepaskri, un penenn: Baro Dewel, kre tiro dji pre tire menshenge! Ma muk i menshen dran wawar themma men te praassell un sanell pral mende. Hoske te penenn le: ‘Kai hi lengro Dewel?’

2. Samuel 24:10

Un o Davideskro dji djas sikeder har job kol tsele murshen an i liil pre-tchinas. Un o David penas ap o baro Debleste: “Kowa his i bari doosh, hoi anom ap mande. Me krom i tchilatcho koowa. Un kanna mangau tut, baro Dewel, le mange koi doosh krik!”

2. Samuel 12:13

Koi penas o David ap o Nataneste: “Me anom doosh ap mande, un krom i tchilatcho koowa ap o baro Debleste.” Penas o Natan: “Kanna las o baro Dewel tiri doosh tutar krik, un tu mereh gar.

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.

Hebrearja 10:4

Della kek drom, kai lell nai o grumjengro rat un o bakrengro rat i doosh i menshendar krik.

Remarja 11:27

Ap ko tsiro, kai lau lengro tchilatchepen lendar krik, penell o Dewel, hi kowa kerdo, hoi me lenge penom, un miro wast pre dom.

Johanni 1:29

Ap o wawar diwes dikas o Johanni, kai o Jesus pash leste wella. Un o Johanni penas: “Dikenn, kawa hi o Debleskro bakro, kai lell i menshengri doosh ap peste.

Louka 11:13

Ninna te han tumer tchilatche menshe, denn tumer tumare tchawen latcho koowa. Har bud budeder dell tumaro dad an o bolepen peskro Ducho kolende, kai les mangenna.”

Mateo 7:11

Ninna te han tumer tchilatche menshe, denn tumer tumare tchawen latcho koowa. Har bud budeder dell tumaro dad an o bolepen latcho koowa kolen, kai les mangenna.

Zakarie 3:4

Un o bolepaskro penas ap kolende, kai glan leste tardo hi: “Lenn kol tchikle koola lestar!” Un ap o Jeshua penas lo: “Me lom tiri doosh tutar, un mukau tuke newe koola te riwell.”

Jesaja 6:7

Un ko kasht, hoi chatchell, rikras lo ap miro mui, un penas: “Dik kawa was ap tiro mui, un jaake hunte djas tiri doosh tutar krik, un ko tchilatchepen, hoi tu kral, hi tutar krik lino.”

1. Johanni 1:7

Mer te djiwah khetne o Debleha an o tchatchepen, jaake har o Dewel an o tchatchepen tardo hi, palle nai ham mer ninna lauter khetne an o tchatchepen. Un o rat leskro tchawestar thowell mari tseli doosh mendar tele.

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

Debleskri gili 50:14

Kowa, hoi tutar kamau, hi, te parkress tut pash mande, tiro Debleste, un te rikress tiri sowel, hoi dal tu mande, o pralstuneste.

Debleskri gili 51:16

Me anom rat ap mande, ma de man mulo, miro Dewel! Tu hal o Dewel, kai lell man win dran o merepen. Un me kamau tiro tchatchepen te sharell.

Debleskri gili 51:17

Baro Dewel, kre miro mui pre, te rakrap, hoi sharell tut!

Debleskri gili 119:108

Baro Dewel, dik latches ap mire laba, kolentsa parkrau man pash tute. Sike mande tire tchatchepaskre laba.

Hosea 6:6

Dikenn, hoi kamau: Kamau, te rikrenn tumer i latcho djijeha ap mande, un kamau gar, te anenn mange viechen. Kamau te prindjrenn man tchatchepah, un kamau gar, te chatchrenn mange viechen.

Jona 2:9

Kolla kai rikrenn pen ap tchitcheskro koowa, rikrenn pen buder gar ap tute.

Jesaja 44:22

Ko tchilatcho koowa, hoi tu kral, lom tutar krik, te hi lo gar buder. Jaake har i nebla, har i wolka krik phurdedo well, jaake phurdom koi doosh krik, hoi ap tute his. Ab pale pash mande, me plaissrom tuke, te wess miro.

Jeremia 3:12

Dja koi un de kol laba gole ap kolende, kai djiwenn an o norden un pen: “Tu Israel, kai djal mandar krik, am pale”, penas o baro Dewel. Palle kamau buder gar chojedo ap tumende te dikell. Man hi i dji tumenge, un kamau gar hako tsiro chojedo te well ap tumende.

Hosea 5:5

Lengre pre-phurde djia sikrenn, har bud doosh ap lende hi. Dran lengri doosh perenn i Israelitarja an i bibacht. Ninna i menshe dran o them Juda perenn lentsa khetne.

Hosea 12:7

Tumer Israelitarja, awenn pale pash tumaro Debleste! Krenn, hoi latcho un tchatcho hi! Hako tsiro rikrenn tumen ap tumaro Debleste!