Hosea 13:11 - O Debleskro Drom 2021 (Sinte)

¹¹ Me dom tumen i rai an miri choli, un an i choli lom les tumendar pale krik.

O Debleskro Lab 2024 (Sinte-Manouche)

¹¹ Me dom t'men i ray an miri rholi, oun an i rholi lom les t'mendar pale krik.

Hosea 13:11 Referans Kwoze

1. Samuel 10:19

Tumer witsran kau diwes tumaro Debles ap i rig, koles, kai las tumen win dran tumari daar un tumaro pharo djipen. Ap koleste penan: ‘Tchip i baro rajes pral mende!’ Kanna mishto! Awenn glan o baro Debleste! Haki bari familja, hoi well pal jekeste kol deesh-te-dui Jakobeskre tchawendar well tardo peske, un mank lende ninna hako dadeskro kheer.”

Hosea 10:3

Palle hunte penenn le: “Mer shunam gar ap o baro Debleste, doleske hi men kanna buder kek baro rai. Ninna te wals men jek baro rai, nai krals lo buder tchi menge!”

Gosewe laba 28:2

Te hi bud tchilatchepen an o them, wenn ninna bud raja pre. Te well sawo mursh o rai, kai djinell bud un haiwell lauter mishto, palle hi o tchatchepen i rah tsiro an o them.

1. Samuel 16:1

Un o baro Dewel penas ap o Samuel: “Har rah kameh tu gomme pal o Saul te rowell, koles me pale tchiwom, te well lo buder gar o rai pral o Israel? Le kanna i tushni djet tuha, un kre tut ap o drom! Me bitchrau tut pash o Isai an o foro Betlehem. Mank leskre mursh tchawende hi kowa, koles me mange win rodom, te well job baro rai.”

1. Samuel 12:13

Kanna dikenn: “Kate hi tumaro baro rai, koles tumenge win rodan un mandar mangan. O baro Dewel tchiwas les pral tumende.

Hosea 10:7

O rai pral o foro Samaria hi buder gar koi, har i patri ap o pani was lo krik hidjedo.

1. Samuel 10:17

Un o Samuel mukas i Israelitarjen khetne gole te dell an Mizpa, te wenn le glan o baro Debleste.

1. Samuel 15:26

“Na-a”, penas o Samuel, “me djau gar tuha pale; tu witsral o baro Debleskro lab ap i rig. Un o baro Dewel witsras tut ninna ap i rig, jaake te wess tu buder kek rai pral o Israel.”

Hosea 3:4

Jaake djal i Israelenge: I rah tsiro hi len kek rai un kek pralstune pral pende, un jon anenn kek viechen o Debleske an leskro kheer. Len hi buder kek pre-tchidde barra, kek rashajeskri damdira un kek khereskre debla, te putchenn le lendar, hoi te krenn.

Hosea 8:4

Jon kran penge bare rajen, kai gar mandar wi-rodede his. Pralstune tchiwan le pral pende, un putchan man gar. Dran lengro rup un sonakai krenn le penge chochene debla – jaake nashenn le an pengri bibacht.

1. Samuel 12:1

Un o Samuel penas ap i tsele Israelitarja: “Me shunom ap lauter, hoi tumer mange penan, un tchiwom i baro rajes pral tumende.