Hosea 12:8 - O Debleskro Drom 2021 (Sinte)

⁸ O Efrajim hi har i parepaskro. An leskro wast hi i waga, hoi o chocheno pharepen sikrell. Job hi bachtelo, te nai dell lo i wawaren pral o kand.

O Debleskro Lab 2024 (Sinte-Manouche)

⁸ O Efrayim hi har i parepaskro. An leskro vast hi i vaga, hoy o rhorheno pharepen sikrell. Yob hi barhtelo, te nay dell lo i vavaren pral o kand.

Hosea 12:8 Referans Kwoze

Debleskro tsiro 3:17

Tumer penenna: Mer ham brawelo, un men hi halauter; tchi hunte well men buder. Me penau tumenge: Tumer djinenn gar, te han an i bibacht, jaake te khaitenn tumer man. Tumer han tchorwelo un nango un korelo.

Debleskri gili 62:10

I menshe hi tchi har i ducho. Tikne har bare hi tchi moldo. Te wans le ap i waga tchiddo, wans le lauter khetne lino gar phareder har i ducho.

1. Timoteo 6:5

Sawo tchingepen djal dureder un dureder. Kolla, kai krenn kowa, hi nasselo an o shero un haiwenn buder gar, hoi o tchatchepen hi. Jon patsenna, te nashte lenn le bud lowe khetne, te krenn le, hoi o Dewel kamella.

Zakarie 11:5

Lengre raja marenn len, un kowa djal lenge gar an o dji. Jon bikrenn len un penenn: ‘Sharedo well o baro Dewel! Mer ham brawelo.’ Ninna kol murshen, kai ap i bakre jak denn, hi kek dji lenge.”

Gosewe laba 30:20

I djuwel, kai chochell peskro romes un sowell i wawareha, thowell pes pal kowa un penell: “Me krom kek tchilatchepen”, jaake har te chals li un thowals peske o mui tele.

Gosewe laba 30:12

Hi menshe koi, kai an pengre jaka djudjo hi, un lengro djungelo koowa was gar tele thodo.

Debleskri gili 52:7

Doleske phagell tut ninna o Dewel hako tsireske. Job stakrell tut khetne, witsrell tut win dran tiro kheer, lell tut krik kai phubjatar, kai djiwah.

Debleskri gili 49:6

Hoske te darap an i tchilatche diwessa, kai kolla trul mande hi, kai mange tchilatchepen kamenna?

5. Mose 8:17

Un tumer te nai penenn gar an tumare djia: Miri soor un mire wastengri budi anas mange kau tselo brawlepen!

1. Timoteo 6:17

Pen kol brawelenge, te rikrenn jon pen gar bareder har wawar, un te tchiwenn jon pengro patsepen gar ap o brawlepen, hoi gar atchella. Mer tchiwas maro patsepen ap o Debleste, kai dell men lauter djipaske, jaake te nai djiwas bachteles.

Louka 16:15

Koi penas o Jesus ap lende: “Glan i menshengre jaka kamenn tumer latcho te well. O Dewel prindjrell tumaro dji. Hoi pash i menshende bud molella, hi tchi moldo an o Debleskre jaka.

Louka 16:13

Kek budepaskro budrell nai dui rajenge. Te wals kowa jaake, budrals lo ko jekeske mishto, un ko wawareske gar mishto. Ko jekes kamals job gar, ko wawares kamals job o djijestar. Tu nai budreh gar o Debleske un leh tiro brawlepen khetne!”

Louka 12:19

Un me nai penau ap mande: Kowa krom mishto. Kanna hi man bud bersha latcho koowa o djipaske un budrap buder gar. Me chau un pijau un krau miro djipen mange mishto.

Louka 10:29

Un ko mursheske his kowa, hoi o Jesus leske penas, gar doha, un job putchas pale: “Koon hi kol wawar, te wap latches ap lende?”

Maleachi 3:13

Tumer rakrenn djungelo koowa pral mande, penell o baro Dewel. Tumer putchenn: ‘Hoi penam pral tute?’

Habakuk 1:16

Lengre matchengre gone un lengre netse hi lenge har debla. Lenge chatchrenn le viechen un sungepaskro koowa, te parkrenn len pen, kai jon lenge jaake bud brawlepen un latcho chapen anan.

Jeremia 2:23

Har nai peneh tu: Me krom man gar pale-tchiddo? Me nashom gar kol deblenge palla, hoi kharenn Baal. Dik ap tute, hoi tu kreh an i tala! Ma biste, har djiwal! Har i khamela, kai hi bipandlo, nasheh tu trujel,

Jeremia 2:35

peneh tu: ‘Me krom tchi. O baro Dewel hi buder gar chojedo ap mande.’ Djiness, me dau tut i phagi koleske, kai tu penal: ‘Me krom kek tchilatchepen.’

Maleachi 2:17

Tumer choirenn o baro Debles tumaro rakepah! Tumer penenna: ‘Har choiram mer les?’ Tumaro rakepen hi: ‘An o baro Debleskre jaka hi i tchilatche latcho. Job kamell len.’ Tumer penenn ninna: ‘Kai hi o Dewel, kai men i phagi della?’

Ezekiel 28:5

Bari goswepah paral tiro koowa un wal brawelo un brawleder. Tiro tselo brawlepen kras tut pre-phurdo.

Hosea 4:8

Tumer rashaja chan ko mass, hoi denn i menshe o Debleste pengri doshake. Doleske han tumer bachtelo pral i menshengri doosh.

Hosea 13:6

Un har dom len te chal, un jon tchalo wan un len doha his, phurdan le pen pre, un bistran man.

Hosea 14:1

I menshe an o foro Samaria lenn pengri phagi. Jon mukan pen tchi te penell pengro Deblestar. Doleske wenn le o chareha maredo. Un lengre tikne tchawe wenn mulo dino. Un i djuwja, kai lenn i tchawo, wenn pre tchinle.

Gosewe laba 11:1

I waga, hoi sikrell gar tchatches, har pharo tchomone hi, hi i djungelo koowa glan o baro Debleskre jaka. Job hi bachtelo pral koleste, kai plaissrell pal o tchatcho pharepen.

Jeremia 5:27

un kolen tchirklengre khera pherde tchirkle hi. Jaake hi lengre khera pherdo tchoredo koowa. Doleske wan jon baro un brawelo.

Amos 8:5

Tumer penenn tumenge: Mu djal o Debleskro diwes sik trujel, ninna ko baro diwes, hoi sikrell, kai o newo tchon was! Palle nai krah maro djobeskro kheer pale pre, te bikras djob! O bikepaske lah mer i tikneder piri, te kras lat pherdo djob, un budeder lowe har tchatcho hi, un tchiwah sawe barra ap i waga, te chochas mer i ginepangre.