Hosea 12:12 - O Debleskro Drom 2021 (Sinte)

¹² An o foro Gilead mangenn le chochene deblen an. Tchi-moldo hi kolla, kai kowa krenna! An o foro Gilgal marenn le gurma i chochene deblenge. Doleske wenn lengre pre-tchidde barra trujel dino, un atchenn tchiddo ap i hachetikri phub.

O Debleskro Lab 2024 (Sinte-Manouche)

¹² An o foro Gilead mangenn le rhorhene deblen an. Či-moldo hi kolla, kay kova krenna! An o foro Gilgal marenn le gourma i rhorhene deblenge. Doleske venn lengre pre-čidde barra trouyel dino, oun ačenn čiddo ap i harhetikri phoub.

Hosea 12:12 Referans Kwoze

1. Mose 31:41

Biish bersha his kowa jaake. Deesh-te-star bersha budrom tuke, te lap tire dui tchen. Shob bersha budrom tire viechenge. Deesh kope kral tu miro plaissepen wawartchandes.

1. Mose 27:43

Kanna, shun ap mande, miro tchawo. Kre tut ap o drom, dja tuke sik un dja pash miro phraleste Laban an o foro Haran.

5. Mose 26:5

Un tu peness glan o baro Debleste, kai tiro Dewel hi: “Miro phuro dad his i Aramari, koles kek them his, kai lo khere his. Un job djas peskri familjah an o them Egiptia, un his kote i wi-themari. Leskre menshe his gar budeder har i wast pherdo, un kote wan le bud un budeder, i bari soreli natsjona.

1. Mose 30:26

De man mire romjen un mire tchawen, kolenge budrom tuke. Un muk men te djal! Tu djineh, har mishto budrom tuke.”

Hosea 4:15

Israel, ninna te kameh tu tut trujel te lubrell, kamau gar, te krenn i menshe an o them Juda sau koowa har tu, un anenn doosh ap pende. Ma djan an i forja Gilgal un Bet-Awen, te mangenn kote i chochene deblen an! Un ma denn tumen kote sowel un penenn “Me dau man sowel pash o djido Debleste.”

Hosea 6:8

Gilead hi i foro pherdo tchilatche menshe. Mank lende hi ninna sawe, kai maran wawaren.