Biblia Todo Logo
Bib sou entènèt

- Piblisite -




Hosea 12:11 - O Debleskro Drom 2021 (Sinte)

11 Me rakrom ap mire rakepangre, un sikrom lende bud kope, hoi wella. Dran lende mukom tumenge trad te dell.

Gade chapit la Kopi

O Debleskro Lab 2024 (Sinte-Manouche)

11 Me rakrom ap mire rakepangre, oun sikrom lende boud kope, hoy vella. Dran lende moukom t'menge trad te dell.

Gade chapit la Kopi




Hosea 12:11
18 Referans Kwoze  

I menshe an o them Efrajim kran penge bud chatchepangre, kai chatchran le tchomone, te well lengri doosh krik lino. Un jaake kran le, te was lengri doosh gomme bud un budeder.


Gilead hi i foro pherdo tchilatche menshe. Mank lende hi ninna sawe, kai maran wawaren.


Israel, ninna te kameh tu tut trujel te lubrell, kamau gar, te krenn i menshe an o them Juda sau koowa har tu, un anenn doosh ap pende. Ma djan an i forja Gilgal un Bet-Awen, te mangenn kote i chochene deblen an! Un ma denn tumen kote sowel un penenn “Me dau man sowel pash o djido Debleste.”


O baro Dewel penell: Lengro tselo tchilatchepen krenn le kote pash o foro Gilgal; kote choirom man pral lende ko tselo tchilatchepaske, hoi jon kran. Doleske tradau me len dran miro kheer win. Me kamau len buder gar. Lengre tsele pralstune mukenn pen tchi mandar te penell.


O Israel hi har i sasto drakengro ruk, ap koleste bud drake bares wenn. Un har i menshe brawelo un brawleder wan, kran le penge bud un budeder altare i chochene deblenge. Kote, kai o them o latcheder his, tchiwan le i shukar bare barra lenge pre.


Har kamas miro djipen an mande tele te merell, wal tu baro Dewel mange an o shero, pash tute was miro mangepen, an tiro kheer, kai tu khere hal.


Ma djan an Betel, witar gar an Gilgal! Ma krenn tumen ap o drom an Beersheba! Me penau tumenge: I menshe an Gilgal wenn pandles krik anlo. O foro Betel, hoi kharell ‘Debleskro kheer’, well i foro, kai i benga khere hi.


Tumer djan pash o Debleskro kheer an o foro Betel, un hadenn tumen pral o Debleste! Tumer djan an o Debleskro kheer an o foro Gilgal, un hadenn tumen ninna budeder pral o Debleste! Krenn dureder jaake: Taissarla marenn viechen o Debleske, un o wawar diwes anenn leske o deshto kotar kolestar, hoi dren anan!


Jon molenn tchi, un hi sapaske. An ko tsiro, kai rakrell o baro Dewel o tchatchepen win, hunte djan jon tele.


Lauter hi jon dinelo un narwelo, kolla, kai mangenn o kasht an. Kol debla nai sikrenn lende tchi.


Kai hi tumare debla, kai tumenge kran? Mu stenn jon pre, un lenn tumen win dran tumari bibacht! Tumer menshe an o them Juda, tumen hi jaake bud debla har forja!


O baro Dewel penell: Hako tsiro hadal tut pral mande, un kamal mange gar palla te djal. Tu penal: Me kamau kek rai pral mande. Un tchiwal tut koi har i lubni ap i berga tel hako senelo ruk.


O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”


Lengre djia hi pherdo chochepen. Kanna well lengri doosh pral lende. Lengre altare wenn khetne phagedo, un kol pre-tchidde bare barra wenn tele dino.


Un job penas: “Shunenn mire laba! Te bitchrau me jekes pash tumende, kai penell tumenge mire laba, sikrau leste tchomone an i dikepen un rakrau leha an sunja.


Un o baro Dewel das kol menshen an o them Israel un an o them Juda trad, har mukas lo peskre rakepangre un dikepangre lenge te penell: “Mukenn tumaro tchilatche dromma! Un krenn hoi me penau! Un djiwenn pal miro tchatchepen! Un djan tumaro tselo djijeha ap miro drom, hoi sikrom tumare phurende. Un djiwenn pal kol laba, hoi penan tumenge mire budepangre, kai mire rakepangre hi.”


Tu, mensho, pen i menshenge dran o kheer Israel phare laba, un putch lendar, hoi kamenn kolla te penell!


Swiv nou:

Piblisite


Piblisite