Hosea 11:1 - O Debleskro Drom 2021 (Sinte)

¹ Har o Israel terno his, kamom les o djijestar, un dran o them Egiptia kharom les, miro tchawes.

O Debleskro Lab 2024 (Sinte-Manouche)

¹ Har o Israel terno his, kamom les o djiyestar, oun dran o them Egiptia kharom les, miro čaves.

Hosea 11:1 Referans Kwoze

Mateo 2:15

Un kote atchas lo, jaake rah har o Herodes djido his. Un jaake was kowa tchatcho, hoi o Dewel ap peskro rakepaskro penas: Dran o them Egiptia dom miro tchawes gole.

2. Mose 4:22

Un rake ap leste: Jaake rakrella o baro Dewel: ‘O Israel hi miro phureder tchawo.

Hosea 13:4

Me o baro Dewel, hom tiro Dewel, fun ko tsiro, kai anom tut dran o them Egiptia win. Tu te prindjress kek wawar debles har man, Un kek wawar nai lell tut dran o merepen win har me kokres.

Hosea 2:15

Me dau lat i phagi hako diweske, kai nashas li peskre pirnenge palla, kol chochene deblenge, un chatchras sungepaskro koowa lenge, un tchiwas kanengre un werklia ap peste; te krell li pes shukar lenge. Un man bistras li! Kowa penell o baro Dewel.

Jeremia 2:2

Dja koi, un rake glan i tsele menshende an o foro Jerusalem, un pen: Kowa penell o baro Dewel: Israel, me djinau, har ap mande rikral har terno hals, un har kamal man har i pirni peskro pirnes, un har tu mantsa djal an o mulo tato them, an ko them, kai tchi bares well an i phub.

Maleachi 1:2

“Me kamau tumen o djijestar”, penell o baro Dewel. Tumer penenn mange koi pre pale: “Har dikah mer kowa, kai tu kameh men?” “Hi gar o Esau un o Jakob phrala?” penell o baro Dewel. “Un me kamau o Jakobes,

Hosea 12:13

O Jakob hunte nashas peske an o them Aram, un o Israel hunte budras i wawareske, te lell lo i romjat, un hunte das jak ap i bakre, te nai romedinerell lo lat.

Ezekiel 16:6

Kote djom me kote miro drom, kai tu tchiddo hals. Un me dikom tut, har tu ratles koi tchiddo hals. Un me penom ap tute: Tu atchess djido! Awa, ap tute penom: Tu djiwess,

5. Mose 7:7

Kowa kras lo gar doleske, kai hans budeder har kol wawar. Na-a, tumer han i tikneder natsjona har kol wawar.

Hosea 12:9

Job penell peske: Me wom brawelo, un lom mange i baro brawlepen khetne. Hi kowa i tchilatcho koowa? Hoi hi djungelo koleha, hoi mange khetne lom?

2. Mose 4:23

Un me penau tuke: Muk miro tchawes te djal, te mangell lo man an! Un te mukeh les gar te djal, palle marau me tiro phureder tchawo.’”

Debleskri gili 129:1

I gili te giwell ap o drom an Jerusalem. Bud kope kran le mange o djipen phares jaake rah har djiwau, – kowa hunte penell o kheer Israel –

Jeremia 12:7

Me mukom mire menshen, ko kheer Israel. Kolen, kai mange win rodom, tradom mandar krik. Kol menshen, kai o djijestar kamau, dom an i wasta kolendar, kai kamenn len te marell.

Hosea 10:15

Jaake djal tumenge an o foro Betel ninna. Kowa well dran tumaro baro tchilatchepen! Te djal o kham pre ap ko diwes, hi trujel o baro rajeske dran Israel.

2. Mose 19:4

‘Tumer dikan, hoi me halauter ap kol Egiptarja krom, un har anom tumen pash mande jaake har i baro tchirklo hidjrell peskre tchawen ap peskro dumo.

5. Mose 33:3

O baro Dewel kamell peskre menshen o djijestar. Job rikrell peskro wast pral halauterende, kai leske hi. Jon beshenn pen pash leskre pire, un shunenn ap leskre laba.

Jesaja 43:4

Tu hal mange jaake kutch un bud moldo, un kamau tut o tselo djijestar, te dap menshen tuke koi, un dau themma koi, te nai djiwess tu.

Ezekiel 16:22

Un pash ko tselo djungelo koowa, hoi tu kral, un har i lubni djiwal, bistral ko tsiro, kai terno hals, un nango hals un ratles tchiddo hals.