Hosea 10:7 - O Debleskro Drom 2021 (Sinte)

⁷ O rai pral o foro Samaria hi buder gar koi, har i patri ap o pani was lo krik hidjedo.

O Debleskro Lab 2024 (Sinte-Manouche)

⁷ O ray pral o foro Samaria hi bouder gar koy, har i patri ap o pani vas lo krik hidjedo.

Hosea 10:7 Referans Kwoze

Hosea 10:3

Palle hunte penenn le: “Mer shunam gar ap o baro Debleste, doleske hi men kanna buder kek baro rai. Ninna te wals men jek baro rai, nai krals lo buder tchi menge!”

Judas 1:13

Jon hi har diwje panja, hoi witsrenn pengro tchik, hoi an lende hi, win ap i phub glan lende. Jon hi har bolepangre momlia, hoi dran pengro drom win djan, un hunte djan kanna hako tsireske an i kali rat.

Hosea 13:11

Me dom tumen i rai an miri choli, un an i choli lom les tumendar pale krik.

Hosea 10:15

Jaake djal tumenge an o foro Betel ninna. Kowa well dran tumaro baro tchilatchepen! Te djal o kham pre ap ko diwes, hi trujel o baro rajeske dran Israel.

2. Rajengro liil 17:4

Pal i tsiro bitchras o Hoshea bitchepangre pash o baro rajeste pral o them Egiptia, – leskro lab his So – te krell lo pes koleha khetne. Un o Hoshea bitchras buder kek rup un sonakai o baro rajeste pral o them Assur. Har kowa kau koowa shunas, mukas lo les te taprell un witsras les an o stilepen.

2. Rajengro liil 15:30

Un o Hoshea, koleskro dad o Ela his, tchiwas pes wawarentsa khetne un das o Pekaches, koleskro dad o Remalja his, mulo un was baro rai pal leste. Kowa djas, har o Jotam, koleskro dad o Usija his, an o biishto bersh o baro rai pral o them Juda his.

2. Rajengro liil 1:3

Koi penas o baro Debleskro bolepaskro ap o Elija, – kowa his dran Tishbe: “Dja pash kol bitchepangre o baro rajestar dran Samaria, un pen ap lende: ‘Hi kai kek Dewel an Israel? Hoske djan tumer, te putchenn kol deblestar dran Ekron, o Baal-Sebub?

1. Rajengro liil 21:1

Pal i tsiro djas kowa: O baro rajes Ahab dran Samaria his i kheer an o foro Jesreel. Koi pashel his i drakengro them. Kowa his i murshes dran Jesreel. Job kharas Nabot.

Hosea 10:8

Khetne dine wenn i mulne platse, kai i Israelitarja i chochene deblen an-mangan, un o baro Deblestar tele peran. Subjengro senlepen un subjengre burra wenn bares ap lengre altare. Un jon penenna: Tumer bare un tikne berge, perenn pral mende, un tchakrenn men!