Hiob 9:24 - O Debleskro Drom 2021 (Sinte)

²⁴ Job das i phub an o wast i tchilatchendar. Un kolla, kai o tchatchepen win krenn, kolen kras lo korelo, te dikenn le tchi. Te his job kowa gar, koon wawar his kowa?

O Debleskro Lab 2024 (Sinte-Manouche)

²⁴ Yob das i phoub an o vast i čilačendar. Oun kolla, kay o čačepen vin krenn, kolen kras lo korelo, te dikenn le či. Te his yob kova gar, koon vavar his kova?

Hiob 9:24 Referans Kwoze

Hiob 10:3

Hoi aneh kawa tuke, te rikreh man sorjah tele? Hoske witsreh man tutar krik, man, koles tire wasta kran, un mukeh kowa mishto te djal, hoi lan pen i tchilatche glan?

Daniel 4:17

Ko ruk, koles tu dikal, kowa, kai baro un sorelo was, – jaake baro, te djas lo bis ap o bolepen, un koles hakeno nai dikas, kai lo ninna his ap kai phub,

Jeremia 14:4

I phub hi truk un dell gole pal brishin. Doleske hi kol hachenge ropaske, un khatrenn pengro mui.

Debleskri gili 17:14

Baro Dewel, tiro wasteha le man win dran o wast kol menshendar, kai djiwenn i phubjake. Lengro brawlepen lenn jon an kau djipen! Tu kreh lengro per pherdo ko koowa, hoi tu lenge deh. Ninna lengre tchawe wenn tchalo, un mukenn pral pengre tchawenge.

Hiob 32:2

Kote was i choli an o Elihu, koleskro dad o Barachel his i menshendar, kai kharenn Busarja, dran i familja Ram. O Elihu was chojedo doleske, te patsas o Hiob, te wals job budeder an o tchatchepen har o Dewel.

Hiob 24:25

Hi kowa gar jaake? Koon kamell man kanna i chocheneske te krell, un sikrell, te his kowa gar tchatcho, hoi me penom?

Hiob 16:11

Miro Dewel das man o tchilatchenge an i wasta, kolenge, kai kamenn lestar tchi te djinell.

Hiob 12:17

Kol pralstune, hoi i rajenge penenn, hoi te krenn le, kolendar lell lo lengro goswepen krik, un krell i tchatchepangre rajen dinelo.

Ester 7:8

Har was o baro rai dran i baar pale pale an koi isema, kai jon khetne mool pijan, dikas lo o Haman, kai glan i diwana tchiddo his, kai i rani hi. Koi das lo gole: “Kamell lo kanna pash mande an miro kheer i ranjake tchomone te krell?” Kol laba his gomme gar dran o baro rajeskro mui tseles win, koi tchakran i budepangre o Hamaneskro shero.

Ester 6:12

Palle djas o Mordekai pale an o wudar pale glan o baro rajeskro kheer. Un o Haman ladjas pes un khatras peskro shero, un djas sik khere.

2. Samuel 19:4

Un i lurde tserdan pen pale an o foro har lurde, kai dran o kurepen krik nashan un hunte ladjenn pen doleske.

2. Samuel 15:30

O David djas ap o djeteskri berga un rowas. Un leskro shero his tchakedo. Un job djas pirkenes. Ninna kol tsele menshe, kai hi pash leste, kolengro shero his tchakedo. Jon djan pre un rowan.

Hiob 19:7

Te dau win gole ‘Awenn ap miri rig’, shunell man kek. Ninna te dau soreles gole, dell kek man miro tchatchepen.

Hiob 22:8

O mursh, koles bud penepaske hi, las peske o them, un o an-diklo djiwell kote dren.

Hiob 24:12

An i forja denn kolla gole, kai hi dukedo un merenn. Un o Dewel dell kek jak ap ko narwelo koowa, hoi i tchilatche krenn.

Maleachi 2:17

Tumer choirenn o baro Debles tumaro rakepah! Tumer penenna: ‘Har choiram mer les?’ Tumaro rakepen hi: ‘An o baro Debleskre jaka hi i tchilatche latcho. Job kamell len.’ Tumer penenn ninna: ‘Kai hi o Dewel, kai men i phagi della?’

Sikepaskro 4:1

Palle dikom halauter, hoi gar tchatcho hi ap i phub. Me dikom i swa kolendar, kai dan le lenge gar lengro tchatchepen, un kolenge kek ap i rig was. Kolla, kai kran lenge tchilatchepen, his sorelo. Doleske was kek ap lengri rig.