Hiob 9:18 - O Debleskro Drom 2021 (Sinte)

¹⁸ Job mukell man gar jek kopo ducho te lell, na-a, job krell man pherdo ropen un duk.

O Debleskro Lab 2024 (Sinte-Manouche)

¹⁸ Yob moukell man gar yek kopo dourho te lell, na-a, yob krell man pherdo ropen oun douk.

Hiob 9:18 Referans Kwoze

Hiob 7:19

Hoske dikeh gar krik mandar i tikno tsireske, jaake rah har me pijau miri tchunger an miro mui tele?

Ropaskre gilja 3:15

Shutlo senlepen das lo man chapaske, un shutlo pipen te pijell.

Hebrearja 12:11

Ap ko tsiro, kai lah i phagi, kamah kowa gar. Na-a, kowa dukell men. Pal ko tsiro haiwah, kowa his menge mishto. Un mare djia wenna pale bachtelo, un mer djiwah budeder an o tchatchepen glan o Debleste, har glan ko tsiro.

Ropaskre gilja 3:3

Kokres ap mande hadas lo peskro wast o tselo diwes.

Debleskri gili 88:7

Tu tchiwal man an i phub, an o telstunepen, kai kali rat trul mande hi.

Debleskri gili 39:13

Baro Dewel, shun miro mangepen! Un shun, har dau ap tute gole! Dik mire swa un rake mantsa! Me hom gar khere ap kai phub, djiwau har i wi-themari pash tute, jaake har ninna mire phure djiwan.

Hiob 27:2

O Dewel kras, te lap gar miro tchatchepen. O sorelo Dewel kras miro djipen shutlo. Me dau man sowel pash o djido Debleste:

Hiob 3:20

Hoske mukell o Dewel kolen djido, kai len jaake phares hi? Hoske dell lo kolen o djipen, kolengro dji pherdo ropen hi?

Hiob 10:20

Kol diwessa, hoi man gomme hi, hi buder gar bud. Muk mandar tele, dik krik mandar, te nai wap i tikno tsiro gomme bachtelo,

Hiob 13:26

Tu aneh djungelo koowa ap mande pre un tchineh les an i liil. Ninna koi doosh, hoi anom ap mande, har terno homs, aneh tu ap miro shero pale.

Ruth 1:20

Joi penas ap lende: “Penenn gar ‘Naomi’ ap mande! Denn man Mara gole! O sorelo Dewel kras miro djipen shutlo.

Jeremia 9:14

Doleske penell o baro Dewel, ko rai pral o bolepen un i phub, kai o Israeleskro Dewel hi: Me dau kal menshen shutlo senlepen chapaske, un pani, kolestar merenn le.