Hiob 9:17 - O Debleskro Drom 2021 (Sinte)

¹⁷ Job bitchrell i sorelo phurdepen, te taprell lo pal mande, un dell man bud dukepen, ninna te krom tchi.

O Debleskro Lab 2024 (Sinte-Manouche)

¹⁷ Yob bičrell i zorelo phourdepen, te taprell lo pal mande, oun dell man boud doukepen, ninna te krom či.

Hiob 9:17 Referans Kwoze

Hiob 16:14

Jek dap pal i wawar dell lo an mande dren. Har i kurepaskro nashell lo ap mande.

Hiob 2:3

Un o baro Dewel putchas o bengestar: “Dal tu ninna jak ap miro budepaskro, o Hiob? Kek wawar hi ap i phub, kai hi jaake har kowa. Job hi an o tchatchepen tardo, un kek doosh hi ap leste. Job mangell man an, un rikrell pes dur krik o tchilatchepastar. Ninna kanna anell lo kek doosh ap peste, kai tu mandar kamal, te anap les an i bibacht, ninna te kras lo tchi.”

Hiob 34:6

Hunte rakrap chochepen un penap: Me lom doosh ap mande? Mange was i baro dukepen dino, ninna te hi kek doosh ap mande.”

Johanni 15:25

Jaake was kowa tchatcho, hoi an o Debleskro lab tchinlo hi: Jon hi tchilatcho ap mande, ninna te krom kek tchilatchepen ap lende.

Johanni 9:3

“Kek lendar anas i doosh ap peste,” penas o Jesus. “Job gar, leskro dad un leskri dai witar gar. Job hi korelo, te well o Debleskri bari soor ap leste diklo.

Mateo 12:20

Job hi latcho ap koleste, kai hi les buder gar bud soor. Job phagell les gar har i kasht, kai hi an-phagedo. Ninna i momeli, hoi gomme i tikno kotar chatchella, krell lo gar win. Jaake hi lo, bis te hi peskro tchatchepen pral halauter tardo.

Mateo 7:27

Har das sorelo brishin, un bud pani was, un i sorelo ducho phurdas ap ko kheer, koi peras ko tselo kheer khetne.”

Ezekiel 13:13

Kawa penell o baro Dewel, maro rai: An miri tati choli mukau me i sorelo ducho win te phagell, un i sorelo brishin te well, un brishineskre barra te perell, te well i massuri paash dino.

Jeremia 23:19

Shunenn: O baro Debleskri choli well jaake pral tumende, har i baro ducho pral i phub phurdell. I sorelo phurdepen djal tele ap i sherja i tchilatchendar.

Jesaja 28:17

An miro kheer djiwell o tchatchepen, un mire menshende dau tchatchepaskre laba. Sorelo brishin, kai brishineskre barra dren hi, dell palle o chochepen paash, ap koleste tumen rikrenn. Un panja hidjrenn tumaro khatepen krik.

Debleskri gili 83:15

Ab lenge har i jag, hoi o weesh tele chatchrell, un pes an i berge dureder chal!

Debleskri gili 42:7

Kanna, mo Dewel, rowell miro dji. Doleske dikau ap tute kote, kai hom: an o them pash o pani Jordan, pash i berge Hermon un Misar.

Debleskri gili 29:5

O baro Debleskro rakepen phagella sorele ruka, ninna kol zedertikre ruka ap i berga Libanon.

Debleskri gili 25:3

Kek, kai pes ap tute rikrell, hunte ladjell pes. Kolla, kai phukrenn ap tute tchitcheske, hunte ladjenn pen.

Hiob 30:22

Tu mukeh i ducho te well, hoi hadell man pre un phurdell man krik, un witsrell man pre un tele an i baro phurdepen.

Hiob 16:17

Jaake hi kowa, ninna te krom kek tchilatchepen, un mangom miro Debles i djudjo djijeha an.

Hiob 16:12

Djiwom an o latchepen, har o Dewel das man khetne. Job tapras man ap miri meen, un witsras man tele. Job tchiwas man jaake pre, te dell lo ap mande karje.

Hiob 2:13

Un jon his kote pash leste ap i phub beshdo efta diwessa un efta ratsja. Un kek lendar rakras leha. Jon dikan, leskre duka his baro un pharo.

Hiob 2:7

Kote djas o beng win o baro Deblestar, un das o Hiobes i djungelo nasslepen ap peskro mass, hoi chandjras un dukas leske fun o shero bis tele pash i pire.

Hiob 9:16

Ninna te mukals lo man leha te rakrell, patsau me gar, te shunals lo ap miro rakepen.

Hiob 10:8

Tu kral man tire wastentsa, lauter ap mande hi tutar kerdo; un kanna chah tu man pre!

Hiob 27:2

O Dewel kras, te lap gar miro tchatchepen. O sorelo Dewel kras miro djipen shutlo. Me dau man sowel pash o djido Debleste:

Hiob 33:10

O Dewel anell tchomone ap mande pre, hoi me gar krom. Job rikrell man har sawo mursheske, kai kamell leske tchilatchepen te krell.