Hiob 7:9 - O Debleskro Drom 2021 (Sinte)

⁹ Jaake har i wolka ap jek kopo buder gar koi hi, jaake hi o mensho, kai merell. Job well buder gar pale dran o mulengro them.

O Debleskro Lab 2024 (Sinte-Manouche)

⁹ Yaake har i folka ap yek kopo bouder gar koy hi, yaake hi o mensho, kay merell. Yob vell bouder gar pale dran o moulengro them.

Hiob 7:9 Referans Kwoze

2. Samuel 14:14

Well o tsiro, kai mer hunte meras halauter. Un ham har pani, kai ap i phub tchoredo hi, un hoi nai hadell kek buder pre i phubjatar. O Dewel kamell gar o djipen krik te lell. Job kamell gar te atchell kowa, kai was krik tradedo, ninna lestar krik.

Debleskri gili 39:13

Baro Dewel, shun miro mangepen! Un shun, har dau ap tute gole! Dik mire swa un rake mantsa! Me hom gar khere ap kai phub, djiwau har i wi-themari pash tute, jaake har ninna mire phure djiwan.

Hiob 30:15

Bari daar tapras man. Miro an-dikepen djas peske, har te phurdals les i ducho krik. Un miri bacht djas krik har i wolka.

Hiob 16:22

Gar bud bersha hi gomme glan mande, un me djau ko drom, kolestar kek palpale well.

Hiob 10:21

glan te djau koi, kai wau buder gar pale – an o tamlo them, kai hako tsiro kali rat hi

2. Samuel 12:23

Kanna hi job mulo. Hoske hunte chap un pijap tchi? Nai krau les djido? Jek diwes wella, kai djau pash leste. Job nai well gar pale pale pash mande.”

Jesaja 38:11

Me dikau o baro Debles gar buder kate an o them, kai i djide hi. Un kote, kai hi kek djipen buder, dikau kek wawar menshen buder.

Hiob 37:11

Job krell i wolke pharo un pherdo pani, un dran lende dell i jag karje.

Hiob 11:8

O Debleskro goswepen hi dureder har o bolepen hi, un dureder tele har o mulengro them. Kowa hi bareder har i phub un buchleder har o baro pani. Tu nai haiweh un djineh gar halauter!

Hiob 3:13

Te woms mulo, woms koi tchiddo, un sowoms, un woms pokones.

Hiob 17:13

Hi buder tchi, ap kowa nai dikaus. Glan mande hi o mulengro them. Kote an o kalepen nai tchiwau man tele.

Hiob 17:16

Ko latchepen, ap hoi dikom, djal mantsa an o mulengro them tele, un well mantsa khetne an i tchik tchiddo.

Jesaja 26:14

I mule wenn buder gar djido, un stenn buder gar pre. Kolen, kai pral mende i raja his, dal tu lengri phagi: Jon hi buder gar koi. Un i menshe bistran len.