Hiob 6:4 - O Debleskro Drom 2021 (Sinte)

⁴ Mange djal jaake, har te dals o sorelo Dewel karje ap mande, un leskre faile wans an mande, hoi anenn mange o merepen. Kowa, hoi mukell o Dewel ap mande te well, krell man i bari daar.

O Debleskro Lab 2024 (Sinte-Manouche)

⁴ Mange djal yaake, har te dals o zorelo Devel karye ap mande, oun leskre fayle vans an mande, hoy anenn mange o merepen. Kova, hoy moukell o Devel ap mande te vell, krell man i bari daar.

Hiob 6:4 Referans Kwoze

Debleskri gili 38:2

Baro Dewel, ma tchinge ap mande an tiri choli! Ma de man i phagi an tiri choli!

Hiob 30:15

Bari daar tapras man. Miro an-dikepen djas peske, har te phurdals les i ducho krik. Un miri bacht djas krik har i wolka.

Gosewe laba 18:14

I mensho kai sorelo an peskro dji hi, nai hidjrell peskro nasslepen. Te hi leskro dji phagedo, har nai hidjrell lo peskro pharepen?

Debleskri gili 143:7

Baro Dewel, shun man sik! Man hi buder kek soor. Ma khate tut mandar, te wap gar har kolla, kai hunte merenn.

Markus 15:34

Un har trinenge his, das o Jesus bari gole: Eloi, Eloi, lema sabachtani? Kowa kharella: Miro Dewel, miro Dewel, hoske mukal man tu?

Hiob 9:17

Job bitchrell i sorelo phurdepen, te taprell lo pal mande, un dell man bud dukepen, ninna te krom tchi.

2. Korintarja 5:11

Mer djinah, har trashas maro rajestar. Doleske rakrah i menshenge an o dji, te patsenn le ap leste. O Dewel djinell, te djah mer o tchatcho drom. Kamoms, te djinenn an tumare djia kowa ninna.

Debleskri gili 45:5

Besh tut ap tiro grai! Dja trujel an o them un kre o tchatchepen soreles! Le i tchorwelengro koowa an tiro wast un kre, te lenn le pengro tchatchepen! Jaake krell tiri tchatchi mussi baro sorelo koowa.

Debleskri gili 21:12

Jon wan khetne un rakran, har nai krenn le tuke tchilatchepen. Tchi, hoi kamenn le tuha te krell, djal lenge mishto.

Debleskri gili 18:14

Un o baro Dewel mukas o bolepen bari gole te dell, awa, o Dewel pral halauter mukas pes te shunell bari goljah.

Debleskri gili 7:13

Tchatchepah, pale las o tchilatcho peskro charo, un hadell peskro bogo, te dell lo karje.

Hiob 31:23

Sau koowa nai kroms me gar, me trashau o Deblestar, un hunte daroms, te well leskri choli pral mande!

Hiob 21:20

un dikell peskre jakentsa peskri bibacht, un haiwell kokres, har kowa hi, te well o sorelo Debleskri choli ap leste.

5. Mose 32:42

Kol faile, kolentsa karje dau, lendar perell o rat tele – ko rat kolendar, kai me mulo dau, ninna kol pandlendar. Miro charo chal o mass kolendar, kai kuran pen mantsa, un dell lengre sherja paash.

Ruth 1:20

Joi penas ap lende: “Penenn gar ‘Naomi’ ap mande! Denn man Mara gole! O sorelo Dewel kras miro djipen shutlo.

Hiob 20:16

Ko tchilatcho koowa, hoi lo kras, hi an leste har sapeskro tchunger, un marell les har i tchilatcho sap, kai dandras les.

Hiob 34:6

Hunte rakrap chochepen un penap: Me lom doosh ap mande? Mange was i baro dukepen dino, ninna te hi kek doosh ap mande.”

Jesaja 28:19

Hako kopo, kai wenn le, taprenn le tumendar un anenn tumen krik, nai well ap o diwes un ninna an i rat. Te haiwans tumer, hoi shunenn, palle atchals tumenge o rakepen krik i trashatar.

Ropaskre gilja 2:4

Job rikras peskro bogo, un las i failo an peskro tchatcho wast, har jek, kai kurell pes mentsa. Un har i kurepaskro maras lo halauteren, kai menge kamlo un kutch his. Un leskri choli was pral mende har i soreli jag.

Hiob 7:20

Tu hal kowa, kai lell i menshen an o jak. Lom me doosh ap mande? Te wals kowa jaake, hoi krom me koleha tuke? Hoske hom me kowa, ap koleste karje deh? Hom me tuke i pharepen, hoi hunte hidjress?

Hiob 16:9

Leskri choli dandras man khetne un las man palla. Job sikrell peskre danda, un peskre jaka dikenn ap mande har te wans le tchurja.

Hiob 19:12

Hi jaake, har te bitchrals job peskre lurden, te djan le ap mande. Jon kran penge i drom pash mande, un tchiwan pen pre trul miro kheer.

Debleskri gili 38:3

Tu dal karje ap mande un dukral man, un tiro wast das man ap i phub tele.

Gosewe laba 14:10

Ko mensho, koleskro dji rowell, hi kokres. Un ninna te stell leskro dji i bachtjatar, nai haiwell kek wawar tchatchepah leskri bacht.

Ropaskre gilja 3:3

Kokres ap mande hadas lo peskro wast o tselo diwes.