Hiob 6:27 - O Debleskro Drom 2021 (Sinte)

²⁷ Tumer han sawe, kai khelans trul i tchaweste, koles kek dad buder hi, un bikrans tumaro males lowenge.

O Debleskro Lab 2024 (Sinte-Manouche)

²⁷ T'mer han save, kay khelans troul i čaveste, koles kek dad bouder hi, oun bikrans t'maro males lovenge.

Hiob 6:27 Referans Kwoze

2. Petro 2:3

Kol chochene sikepangre kamenn tumen chochene labentsa ap pengri rig te anell, te lenn le lowe tumendar. O Debleskri choli well tchatchepah pral lende, un lengri bibacht wella sik.

Jakobo 1:27

Kanna penau tumenge, hoi o Dewel, maro dad, kamella, un hoi hi latcho glan leskre jaka: Krenn latchepen i tchorwele djuwjenge, kolen kek rom buder hi! Krenn ninna latchepen kol tchorwele tchawenge, kolen kek dad un dai buder hi! Ma mukenn tumen dren an ko tchilatcho koowa, hoi i menshe ap kai phub krenna.

Nahum 3:10

Ninna kau foro was dren lino, un leskre menshe pandles anlo an i wawar them. Lengre tchawe wan mulo dino ap hako drom. Pral lengre pralstunende witsran le kashta, koon kones lella. I tsele pralstunen pandan le sasterne shellentsa.

Joel 3:3

Un me dau sikepen ap o bolepen un ap i phub: rat, jag un jagakro ducho.

Debleskri gili 7:15

Les hi tchilatchepen an o shero, un midjak koowa an o dji. Un dran leste well chochepen.

Hiob 24:9

Tchilatche menshe lenn sorjah i tchorweli dake o ternepen dran i mussja krik, koleskro dad meras. Un jon penenn ap late: ‘Me dau les tuke pale, te plaissral mange tiri sijaan.’

Hiob 24:3

Jon lenn penge i burika kolendar, kai len kek dad buder hi, un lenn koi grumni kolatar, kolakro rom meras, bis te plaissrell li peskri sijaan.

Hiob 22:9

Koi djuwel, kolakro rom meras, bitchral tu tutar krik, un dal lat tchi an o wast. Un djal kol tchawentsa tchilatches trujel, kolengro dad meras.

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

Ezekiel 22:7

Kolla, kai an Jerusalem djiwenn, dikenn tele ap pengro dadeste un ap pengri date, un chochenn i wi-themarjen, kai pash lende djiwenn. Un kol djuwjen, kolengro rom meras, un kol tchawen, kolengro dad meras, kolen rikrenn le sorjah tele.

Jeremia 18:22

Bitche lurden, kai wenn ap jek kopo pral lende un lengre khera, te denn le gole i trashatar! Jon lurenn koi pre te taprenn le man, un tchiwan dorja, te taprenn mire herja koi dren.

Jeremia 18:20

Jon lurenn koi pre, te taprenn le man. Hi kowa mishto, te krenn le mange tchilatchepen, ninna te krom lenge latchepen? Ma biste, har me glan tute tardo homs, te rakrap lenge mishto, te less tiri choli lendar krik!

Debleskri gili 82:3

Dikenn, te lenn i tchorwele pengro tchatchepen, ninna kolla, kolen kek dad buder hi! Awenn ap i rig kolendar, kolen tchi hi un gar an-diklo hi, un dikenn, te lenn le pengro tchatchepen!

Debleskri gili 57:6

Sike tiro barepen, hoi bareder hi har o bolepen, miro Dewel! Tiro railepen mu well pral i tseli phub!

Hiob 31:21

An kek tsiro hadom me miro wast pre ap i tchaweste, koles kek dad buder hi, ninna te djinom, te hi halauter ap miri rig, kai his an o foreskro wudar beshdo.

Hiob 31:17

Chom me miro chapen kokres, un dom kolen tchi, kolen buder kek dad his?

Hiob 29:12

Me wom ko tchorweleske ap i rig, kai ap mande gole das. Un ko tchawo, koleskro dad meras, un leske kek buder koi his, koleske homs me koi.

2. Mose 22:21

Ma krenn o djipen i djuwjenge phares, kolenge o rom meras! Ma krenn o djipen i tchawenge phares, kolen kek dad buder hi!