Hiob 6:14 - O Debleskro Drom 2021 (Sinte)

¹⁴ Kones kek dji hi peskro maleske, koles hi gar o sorelo Dewel glan i jaka pash kowa, hoi lo krell.

O Debleskro Lab 2024 (Sinte-Manouche)

¹⁴ Kones kek dji hi peskro maleske, koles hi gar o zorelo Devel glan i yaka pash kova, hoy lo krell.

Hiob 6:14 Referans Kwoze

Gosewe laba 17:17

I maal sikrell hako tsiro pengro kamlepen. Un i phraal well boldo, te well lo tuke ap i rig an phare tsirja.

Galatarja 6:2

Jek hunte dikell ap ko wawareste un hidjrella leha, hoi an leskro dji leske dukrella. Jaake krenn tumer kowa, hoi o Jesus Kristo tumendar kamella.

1. Korintarja 12:26

Te dukell jek kotar, palle dukenn kol tsele wawar ninna. Un te well jek kotar sharedo, hi kol tsele kotja bachtele.

Remarja 12:15

Awenn bachteles kolentsa, kai bachtelo hi! Rowenn kolentsa, kai rowenna!

Louka 23:40

Ko wawar tchingras ap leste un penas: “Muk tele! Dareh tu gar o Deblestar, kanna kai hal ap o trushel?

Hebrearja 13:3

Ma bistrenn kolen, kai hi an o stilepen. Denn lende kowa, hoi len hunte well djipaske, jaake har te wans tumer kolla, kai stildo hi! Awenn ninna kolenge koi, kai wan palla lino un lan dawa. Awenn lenge jaake koi, har wans tumer kolla, kai wan palla lino un lan dawa.

2. Korintarja 11:29

Te hi jek gar sorelo, hom me witar gar sorelo. Te perell jek o Debleskro dromestar tele, hi man bari duk an o dji.

Hiob 19:21

Mire mala, krenn tumare djia mange pre! Awenn mange latches! O Debleskro wast das man!

Hiob 16:5

Bud labentsa doms tumenge pale newi soor. Un kowa, hoi penoms, krals tumari duk tikneder.

Hiob 15:4

Tchatchepah, tu kreh har te wals o patsepen ap o Debleste tchi moldo, un kreh, te mangell les buder kek an.

1. Mose 20:11

O Abraham penas: “Me patsom, kai an kau foro kek menshe hi, kai patsenn o djijestar ap o Debleste un krenn, hoi o Dewel kamell. Darom, kai jon man mulo denna, te lenn le miri romjat.

Hiob 1:5

Un har kol diwessa trujel his, kai le chan un pijan, palle bitchras o Hiob pash lende, te wenn le pash leste. Un job stas sik taissarlakro pre, un maras hakeneske lendar i viecho, un chatchras les o Debleske, te well lengri doosh krik lino. Job penas peske: Nai djals, te lan mire mursh tchawe doosh ap pende, un rakran djungeles pral o Debleste an pengre djia. Un jaake kras o Hiob pal hako baro chapen, hoi leskre mursh tchawe kran.

Zakarie 7:9

Me, o baro Dewel, ko rai pral o bolepen un i phub, penom glan bud bersha mire menshenge: “Tumer hunte denn jak, te well o tchatchepen kerdo. Un hakeno hunte krell peskro dji pre peskro phraleske un well leske latches.

Gosewe laba 25:19

Te hi tut i kalo diwes un dikeh ap i maleste, te well lo ap tiri rig, un job hi kek mursh o labestar, palle hi kowa, har te dandals ap i tele phagedo dand, un har te nashals ap jek heri.