Hiob 6:10 - O Debleskro Drom 2021 (Sinte)

¹⁰ Kowa krals koi duk an miro dji tikneder. An mire tsele bare duka djinau, te krom hako tsiro, hoi o Dewel mange penas.

O Debleskro Lab 2024 (Sinte-Manouche)

¹⁰ Kova krals koy douk an miro dji tikneder. An mire tsele bare douka djinau, te krom hako tsiro, hoy o Devel mange penas.

Hiob 6:10 Referans Kwoze

Hiob 23:12

Me rikrom man ap hako lab, hoi was dran leskro mui. Un rikrom halauter an miro dji, hoi lo rakras.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

3. Mose 19:2

Pen ap i tsele Israelitarja: Me, o baro Dewel, hom tumaro Dewel. Kek wawar hi har me. An mande hi kek tchilatchepen. Un tumer hunte djiwenn jaake har i Debleskre menshe djiwenn.

Debleskro tsiro 4:8

Un hakenes lendar his shob tchirklengre mussja. Kolla his dren un win pherde jaka. Un jon giwenn o tselo diwes un i tseli rat: Latcho - un tchatcho - har kek wawar - hi o Dewel, ko rai pral halauter. Hako tsiro djiwell lo, kanna, un an ko tsiro, hoi his, un hoi wella.

Debleskro tsiro 3:7

“Tchin kau liil ap o Debleskro budepaskro, kai dell jak ap i patslende an o foro Filadelfia: Kawa penell o Debleskro tchatchepaskro. Koles hi o Davideskro klidepaskro an o wast. Job te krell o wudar pre, palle nai krell les kek pale pandlo. Job te krell o wudar pandlo, palle nai krell les kek pre.

Remarja 8:32

O Dewel rikras peskro tchawes gar pash peste. Job das les menge lauterenge an o merepen. Patsenn tumer gar, te dell lo men khetne leha kowa lauter, hoi job menge penas?

Bičepangre 20:27

Me mukom gar tele, te penap tumenge halauter, hoi o Dewel tumenge kras.

Bičepangre 20:20

Man his kek daar, te penap tumenge o tselo tchatchepen, har me tumende o Debleskro drom sikrom. Un me penom o Debleskro lab an tumare khera.

Habakuk 3:3

O Dewel well dran o them Teman, dran kol berge, hoi kharenn Paran. O bolepen hi pherdo leskro railepen. Un ap i tseli phub sharenn les i menshe.

Habakuk 1:12

[Me penom:] Tu, miro baro Dewel, hal kokres o tchatcho Dewel, un hal hako tsireske koi! Muk men gar te merell! Baro Dewel, pash tute khatrah men, tu dal len gole, te denn le menge i phagi, awa, tu bitchral len, te denn le men dawa.

Hosea 11:9

Me kamau gar jaake te krell, har mange les miri tati choli penella. Un kamau gar te dap o Efrajimes pale pre. Me hom o Dewel, un kek mensho. Me, ko jek tchatcho Dewel, hom mank tumende, un wau gar, te marap tumen.

Debleskri gili 119:13

Me penau i wawarenge, har tu o tchatchepen wi-rakral.

Debleskri gili 37:30

Goswepen well dran o mui i latcho menshestar, un leskri tchip rakrell o tchatchepen.

Hiob 22:22

Muk tuke dran leskro mui tchomone te penell, un rike leskre laba an tiro dji!

Hiob 21:33

Te well lo kote anlo, djan bud bud menshe pal leste un glan leste. Un jaake har lo paskedo well, hi kowa leske shukar.

Hiob 9:4

O Dewel hi gosewo an peskro dji un les hi bari soor. Kekeske, kai las pes glan te tchingrell lo leha, djas kowa mishto.

Hiob 3:22

un giwans un sans i bachtjatar, te nai merans le.

1. Samuel 2:2

Kek hi jaake baro un tchatcho har o baro Dewel. Dell kek wawar Dewel har job. Ap kekeste nai rikrah men har ap maro Debleste.

5. Mose 29:20

Job tchiwell les infam, te hi lo kek Israelitari buder. Un ap leste well koi bibacht, hoi koles taprell, kai tel o praassepen hi doleske kai rikras lo pes gar ap kowa, hoi peskro baro Dewel leha win kras, jaake har an kau tchatchepaskro liil tchinlo hi.

Hiob 11:4

Tu penal: “Kowa hoi me rakrom, hi halauter tchatcho. Me hom djudjo glan o Debleskre jaka.”

Hiob 15:11

Dran mende rakras o Dewel kamles tuha. Job kamell o duk dran tiro dji krik te lell. Hi kowa tuke gar doha?

Hiob 23:11

Me rikrom mire pire ap leskro drom, un atchom ap leste, un djom gar tele lestar.

Debleskri gili 119:50

Har mange o djipen phares his, dal tu man newi soor. Tiro lab mukas man pre djiwell.