Hiob 5:2 - O Debleskro Drom 2021 (Sinte)

² Koon choirell pes pral halauter, hi dinelo. Leskri choli tassrell les. Koon peskri choli gar pale rikrell, hi narwelo. Job merell ap peskri choli.

O Debleskro Lab 2024 (Sinte-Manouche)

² Koon rhoyrell pes pral halauter, hi dinelo. Leskri rholi tassrell les. Koon peskri rholi gar pale rikrell, hi narvelo. Yob merell ap peskri rholi.

Hiob 5:2 Referans Kwoze

Sikepaskro 7:9

De garda te wess gar sik chojedo! Koon choirell pes pral halauter, hi dinelo.

Remarja 2:8

Ap kol wawarende well leskri choli. Lenge hi lo gar latches. Jon hi kolla, kai djiwan pal pengro shero un shunan gar ap o Debleskro tchatcho lab, un kran, hoi lengro tchilatcho dji lenge penas.

Hosea 7:11

O Efrajim hi har i dineli tauba, kai mukell pes sik te kharell. Ap jek diwes kharell lo i Egiptarjen, te wenn le leske ap i rig, o wawar diwes nashell lo an o them Assur.

Gosewe laba 12:16

Koon peskri choli sik sikrell, hi dinelo. Koon krell, har te shunals lo o praassepen gar, kowa hi gosewo.

Debleskri gili 107:17

Wawar kran dinelo koowa, peran o Debleskro drom tele, un anan doosh ap pende. Doleske djas lenge jaake djungeles,

Debleskri gili 92:6

Baro Dewel, hawo baro koowa kral tu! Hi phares menge te haiwas, hoi tuke an o shero djal.

Debleskri gili 75:4

Ninna te trissell i phub un lauter, kai djiwell koi pre, me rikrau lat, te atchell li soreles tardo.”

Debleskri gili 14:1

I gili o rajeske pral i gipangre. O David kras kai gili. Dinele hi le, kai rakrenn penge: “O Dewel dell pes gar!” Tchi-molde hi le! I ladj hi kowa, hoi jon krenn. Kek hi koi, kai krell latchepen.

Hiob 18:4

An tiri choli dukreh tut kokres! Patseh, i phub hunte well i mulo them, un i bare barra hunte djan jek rigjatar ap i wawar, te well diklo, kai hal tu an o tchatchepen?

1. Mose 30:1

Har i Rachel dikas, kai anas joi o Jakobeske kek tchawen ap i phub, silweras joi ap peskri phenjate, un penas ap o Jakob: “De man tchawe! Te deh man kek, merau me.”

2. Timoteo 3:6

Mashkral lende hi menshe, kai djan an i khera, te taprenn le sawe djuwjen, kai ladjenn pen glan tchi, un ap lende bud doosh hi.

Jona 4:9

Un o Dewel penas ap o Jona: “Hawo tchatchepen hi tut, te choiress tut jaake pral ko bur, hoi tele meras?” Un job penas: “Tchatchepah, mange hi jaake tchatcho, te choirap man, te kamau te merell.”

Gosewe laba 8:5

Haiwenn tumer tchi? Palle denn jak ap gosewe laba! Han tumer dinelo? Palle dikenn dren, hoi tumenge mishto hi!

Gosewe laba 27:3

Phares hi barra un tchik. Dui kope phareder hi i choli, hoi jekes hi pral i dinelestar.

1. Mose 38:9

O Onan djinas, kai kol tchawe gar leskre hi. Doleske kras job jaake, kai peskro phraleskri romni gar an wawar koowa wella, hako kopo har was lo lah khetne. Job kamas gar, te well i tchawo leskro phraleske boldo.

Gosewe laba 19:16

Kowa, kai rikrell pes ap o tchinlo lab, dell jak ap peskro djipen. Kowa kai gar jak dell ap peskre dromma, merella.

Gosewe laba 19:19

Kowa, kai dran i bari choli tchomone kras, muk les peskri phagi te lell. Weh tu ap leskri rig, hunte kress tu kowa pale te pale.