Hiob 41:10 - O Debleskro Drom 2021 (Sinte)

¹⁰ Te phurdell lo dran o nak, well tikno pani win, hoi dikell win har brishin an o kham. Leskre jaka hi lolo har o kham, hoi pre djal.

O Debleskro Lab 2024 (Sinte-Manouche)

¹⁰ Te phourdell lo dran o nak, vell tikno pani vin, hoy dikell vin har brishin an o kham. Leskre yaka hi lolo har o kham, hoy pre djal.

Hiob 41:10 Referans Kwoze

Hiob 9:4

O Dewel hi gosewo an peskro dji un les hi bari soor. Kekeske, kai las pes glan te tchingrell lo leha, djas kowa mishto.

1. Korintarja 10:22

Ma choirenn o Debles! Mer ham gar sorleder har job.

Jeremia 12:5

Te kras tut kowa khino, har nashal khetne wawar menshentsa, har kameh khetne i grajentsa te nashell? Te kameh tu tut ninna kate an o them te khatrell, kai bud menshe hi, hoi kameh tu an o pesso weesh te krell, hoi pash o pani Jordan hi?

Hiob 40:9

Hi tut sawi bari soor har man? Nai rakreh tu sawi sorjah har me?

Hiob 3:8

I durkepangre mu praassenn ko diwes – kolla, kai haiwenn i bibacht pral i diwes win te rakrell, un kai nai djangrell o Leviatan pre.

4. Mose 24:9

O Israel tchiwas pes tele har i bari margodja, awa, har i terni bari margodja. Kek kamell lat pre djangrell. Bacht un soor well koles, kai rakrell i bacht pral tute win, Israel! Un bibacht well ap koleste, kai rakrell i bibacht win pral tute.

1. Mose 49:9

Miro tchawo, tu hal sorelo har i terno lewo, kai hi tchalo o viechestar, hoi maras lo, un djal pale, kai lo khere hi, beshell pes un tchiwell pes tele. Un hakenes hi daar, te taprell lo les an.

Hiob 41:9

Jon hi jaake khetne kerdo, te taprell jek an o wawar, un kek nai tserdell jek dran o wawar win.

Jeremia 49:19

Har i lewo win well dran i burra pash o pani Jordan, wau me, un tradau i Edomarjen sik dran lengro them, un tchiwau koles pral o them, kones me win rodom. Kek hi har me! Kek hunte penell mange, hoi te krap! un kek rai hi sorleder har me!

Jeremia 50:44

Har i lewo win well dran i burra pash o pani Jordan, wau me un tradau i Babilonarjen sik dran lengro them, un tchiwau koles pral o them, kones me win rodom. Kek hi har me! Kek hunte penell mange, hoi te krap! un kek rai hi sorleder har me!

Hiob 3:9

Koi rati te atchell kalo, kek bolepaskri momeli djal pre taissarlakro. Koi rati mu dikell pal o diwes – un kowa well gar. O kham djal gar pre.