Hiob 40:4 - O Debleskro Drom 2021 (Sinte)

⁴ Dik, me hom tchi moldo! Hoi penap me tuke? Me tchiwau miro wast ap miro mui.

O Debleskro Lab 2024 (Sinte-Manouche)

⁴ Dik, me hom či moldo! Hoy penap me touke? Me čivau miro vast ap miro mouy.

Hiob 40:4 Referans Kwoze

Gosewe laba 30:32

Te hals jaake dinelo, te hadal tut pre, un lal tut tchilatcho koowa glan, atch un tchip o wast ap tiro mui!

Hiob 29:9

I pralstune rikran pengre laba pale, un tchiwan pengro wast ap o mui.

Hiob 21:5

Dikenn ap mande! Un tumer krenn bare jaka i trashatar, un tchiwenn tumaro wast glan o mui!

Hiob 42:6

Doleske lau pale, hoi rakrom un hom beshdo an i tchik un an i jagakri tchik, te sikrap, kai khaitell man kowa, hoi rakrom.

Louka 18:13

Ko pale-tchiddo atchas palla tardo, un hadas gar peskro shero pre. Un job das ap peskro betch, te sikrell lo, kai leskro tchilatcho koowa khaitas les, un penas: Miro Dewel, me hom i tchilatcho mursh. Dik ap mande un ab mange latcho!”

Jesaja 6:5

Un me penom: “Kanna hunte merap! Me hom i mursh, dran koleskro mui sawo rakepen djas, te nai wau me gar glan o Debleste. Un me djiwau mank menshende, dran kolengre muja ninna sawo rakepen djal. Un mire jakentsa dikom o baro rajes, les, o baro Debles, kai hi o rai pral o bolepen un i phub.”

Esra 9:6

un penom: “Miro Dewel, me ladjau un trashau man, te hadap mire jaka pral pash tute, miro Dewel; mari doosh was pral maro shero, un maro tchilatchepen hi baro bis pral an o bolepen.

Čačepangre 18:19

Un jon penan ap leste: “Atch, rig tiro mui, un ab mentsa! Un ab maro rashai un pen menge, hoi o dewel mendar kamella! Hi tuke gar feteder te wess rashai i bari familjake an Israel, har te wess rashai an o kheer jek mursheske?”

1. Mose 32:10

Un o Jakob penas ap o Debleste: “Tu, o Dewel miro papestar Abraham un miro dadestar Isaak, tu hal o baro Dewel, kai penal ap mande: ‘Dja pale an tiro them un pash tire menshende. Me krau tuke latchepen.’

1. Mose 18:27

Penas o Abraham: “Shun, miro rai, me lom man khetne, te rakrap tuha, kai me tchik un tchi moldo hom.

1. Timoteo 1:15

Hi tchatcho, hoi kanna penau. Un tumer nai patsenn man: Maro rai, o Jesus Kristo, was ap kai phub, te anell lo kolen ap o drom pash o Debleste, kai dur lestar an o tchilatchepen djiwenna. Kolendar hom me o djungleder.

Louka 5:8

Har o Simon Petro kowa dikas, peras lo glan o Jesuseste tele ap i phub, un penas: “Dja tuke mandar, miro rai! Me hom i mursh, ap kaleste doosh hi.”

Zakarie 2:13

Denn garda! Me dau len trad miro wasteha, te wenn le tchoredo kolendar, kai hunte budran lenge.” Palle dikenn tumer, kai o baro Dewel, ko rai pral o bolepen un i phub, kowa hi, kai bitchras man.

Habakuk 2:20

O baro Dewel hi an peskro kheer, kai job djiwell. Ma rakrenn tchi glan leste, tumer menshe ap i tseli phub!

Micha 7:16

te dikenn kolla an i wawar themma, hoi menge kreh, un hunte ladjenn pen an pengri tseli soor. Lenge atchell o rakepen krik, un jon kamenn buder tchi te shunell.

Daniel 9:7

Tu, rai, hal an o tchatchepen. Un mer hunte ladjas men, mer, kai wah dran o them Juda un dran o foro Jerusalem, ninna dran o tselo them Israel. Mer kram tchilatcho koowa ap tute. Doleske tradal men an wawar themma, kai dur hi un kai gar jaake dur hi, te djiwas buder gar khetne.

Daniel 9:5

Mer anam bari doosh ap mende, kram, hoi gar mishto hi, atcham gar tuha un mukam tiro drom. Mer djiwam gar pal tire laba un pal tiro tchatchepen.

Jesaja 64:6

Un koi hi kek, kai tiro lab an-gole dell, kek, kai well pash tute, te rikrell lo pes ap tute. Tchatchepah, tu kameh buder tchi mendar te djinell, un mukeh men tapedo an maro tchilatchepen.

Jesaja 53:6

Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

Debleskri gili 39:9

te less man win dran miri tseli doosh! Ma muk i dinelen pral mande te sal!

Hiob 31:37

Me penaus leske hako koowa, hoi krom an miro djipen, un har i rai waus me glan leste.

Hiob 16:21

Jaake har i mensho peskro maleske mishto rakrell, kamoms te rakrell jek mange mishto glan o Debleste.

Nehemia 9:33

Tu hal an o tchatchepen tardo, har anal kowa lauter pral mende. Kowa, hoi tu kral, his mishto, ninna te djiwam mer jaake, har te wals men kek Dewel.

Esra 9:15

Baro Dewel, tu o Israeleskro Dewel, hal an o tchatchepen tardo un lal men, kai pral atcham, win dran o merepen, jaake har kau diwes hi. Dik, kate ham glan tute an mari doosh, un djinah, mer nai atchah gar tardo glan tute!”

1. Rajengro liil 19:4

Un job djas i diwes dur an o mulo them. Un kote beshas lo pes tel i burra, un kamas te merell un penas: “Kanna hi doha, baro Dewel. Muk man te merell! Me hom gar feteder har mire phure.”

2. Samuel 24:10

Un o Davideskro dji djas sikeder har job kol tsele murshen an i liil pre-tchinas. Un o David penas ap o baro Debleste: “Kowa his i bari doosh, hoi anom ap mande. Me krom i tchilatcho koowa. Un kanna mangau tut, baro Dewel, le mange koi doosh krik!”

Hiob 40:3

Un o Hiob penas ap o baro Debleste:

Ropaskre gilja 3:29

Peskro mui mu tchiwell lo tele an i tchik, Nai well i tsiro, kai djal leske pale feteder.

3. Mose 13:12

Te phagell i nasslepen ap i tseli hauta win, fun leskro shero bis pash leskre pire, un halauter hi parno, hoi o rashai nai dikell, palle hi ko nasslepen tchomone, hoi ko menshes gar pale-tchiddo krell. Un o rashai rakrell win, te hi kowa erligo.

Hiob 37:19

Pen tu menge, hoi penas mer leske? Mer djinah tchi. Un men hi tchi, te anas glan leste!

Ezekiel 16:63

Me lau tiri tseli doosh tutar krik, hoi ap tute anal. Te well tuke palle tiro phuro djipen an o shero, ladjeh tu, un nai kreh tiro mui buder gar pre i ladjatar. Kawa penau me, o baro Dewel, tiro rai.