Hiob 4:4 - O Debleskro Drom 2021 (Sinte)

⁴ Tire laba hadan koles pale pre, kai peras. Tu kral kol herja pale soreles, hoi trissan.

O Debleskro Lab 2024 (Sinte-Manouche)

⁴ Tire laba hadan koles pale pre, kay peras. Tou kral kol herya pale zoreles, hoy trissan.

Hiob 4:4 Referans Kwoze

Hebrearja 12:12

Doleske awenn pale soreles! Hadenn tumare wasta pale pre, hoi khino wan! Krenn tumare herja pale soreles, an lende buder kek soor hi!

1. Tessalonikarja 5:14

Mire phrala, kanna penah tumenge, hoi te krenn: Denn kolen trad, kai kamenn gar te budrell! Rakrenn kolentsa mishto, kai hi dareno! Krenn kolen soreles, kai hi gar sorelo an o patsepen! Denn kekes sik pre!

Gosewe laba 12:18

Laba, hoi sik win rakedo wenna, nai denn tchurje har i charo. O rakepen i gosewe menshendar anell sastepen.

Debleskri gili 145:14

O baro Dewel rikrell hakenes, kai perell, un hadell hakenes pale pre, kai tele dino hi.

2. Korintarja 7:6

Kolen buder kek soor hi, kolen dell o Dewel newi soor. Un job das men newi soor an o dji, har was o Tito pash mende.

2. Korintarja 2:7

Kanna hunte bistrenn ko koowa, hoi job kras. Rakrenn latches leha, te well leske gar buder ropaske.

Daniel 5:6

Koi was o baro rajeskro mui parno. Un job trashas jaake, te nashras lo haki soor, un leskre herja trissan.

Hiob 4:3

Tu sikral bud menshen o tchatcho drom, un kral khine wasta pale soreles.

Hiob 4:5

Kanna, kai was i bibacht pral tute, nashreh tiri soor. Kanna, kai tut kowa tapras, pereh tu khetne i trashatar.

Hiob 29:11

Hakeno, kai shunas man, sharas man. Un koon man dikas, rakras latcho koowa pral mande.

Hiob 29:25

Me homs lengro pralstuno, un rodom lenge o drom win. Un djiwom mank lende har i baro rai mashkral peskre lurdende. Un rakrom latches kolentsa, kolenge ropaske his.

Gosewe laba 25:11

I lab rakedo an o tchatcho tsiro, hi har sonakangre phabja an i rupeno tcharo.

Jesaja 50:4

O baro Dewel, miro rai, das man i tchip har i siklen jek hi, te djinap, har te rakrap latches kolentsa, kai khino hi. Taissarlakro djangrell lo mire kanna pre, te shunap har jek, hoi lestar siklo well.