Hiob 4:19 - O Debleskro Drom 2021 (Sinte)

¹⁹ Har bud budeder hatsell lo doosh ap kolende, kai wan dran tchik kerdo – ap kolende, kai nai wenn khetne stakedo har i kirmo.

O Debleskro Lab 2024 (Sinte-Manouche)

¹⁹ Har boud boudeder hatsell lo doosh ap kolende, kay van dran čik kerdo – ap kolende, kay nay venn khetne stakedo har i kirmo.

Hiob 4:19 Referans Kwoze

Hiob 10:9

Ma biste, te kral man dran tchik. Kameh tu kanna, te wap pale tchik?

1. Mose 2:7

Un o baro Dewel, maro rai, kras o romes dran tchik i phubjatar. Un phurdas peskro ducho, hoi della o djipen, an o romeste. Un o rom was djido.

Hiob 33:6

Dik, glan o Debleste hom me jaake bud har tu hal. Un me ninna hom dran i tchik kerdo.

1. Mose 3:19

Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

2. Korintarja 4:7

O latcho lab o Jesus Kristestar hi i baro brawlepen, hoi mer hidjrah an mende. Mer kokres ham har tchare, hoi tchi moldo hi, jaake te dikell hakeno, koi bari soor well o Deblestar, un gar mendar.

Debleskri gili 39:11

Me mangau tut: Le tiro wast mandar krik. Te deh tu man dureder, hunte merap.

Hiob 13:28

Jaake perau khetne har phuro kasht, har kol ripja, kolen i kirme paash chan.

Hiob 13:12

Tumaro gosewo rakepen hi gar budeder moldo har jagakri tchik. Kowa hoi tumer kate glan anenn, rikrell gar feteder har khera dran tchik.

1. Mose 18:27

Penas o Abraham: “Shun, miro rai, me lom man khetne, te rakrap tuha, kai me tchik un tchi moldo hom.

1. Petro 1:24

An o Debleskro lab hi tchinlo: I tsele menshe hi har o senlepen un har shukar blume. O senlepen merella, un i blume perenn tele.

2. Korintarja 5:1

Mer djinah, maro djipen ap kai phub atchell gar. Pal maro merepen lah i newo trupo. Ko newo trupo hi har i kheer, hoi kras o Dewel un kek mensho. Ko kheer atchell hako tsiro an o bolepen.

Sikepaskro 12:7

O mensho well pale phub, kolatar job kerdo was. Un o ducho hunte djal pale pash o Debleste, kai das o duches o mensheste.

Debleskri gili 146:4

O menshengro djipen atchell gar. Un job well pale tchik i phubjatar. Ko diwes, kai merell lo, djala lauter nashedo, hoi job peske glan las.

Hiob 22:16

Kolla meran, har his le gomme gar phuro – wan krik thodo har i kheer i sorelo panjestar.

Hiob 14:2

Har i bluma well lo baro un merell tele. Jaake har i shatto, hoi well buder gar diklo, te djal o kham tele, hi lo buder gar.

Hiob 25:6

Te dikell lo ap i mensheste, hi kowa glan leste gar budeder har i kiri un i kirmo!