Hiob 4:17 - O Debleskro Drom 2021 (Sinte)

¹⁷ Har nai well i mensho an o tchatchepen tardo glan peskro Debleste? Har nai djiwell i mursh i djudjo djipen glan o Debleste, kai kras les?

O Debleskro Lab 2024 (Sinte-Manouche)

¹⁷ Har nay vell i mensho an o čačepen tardo glan peskro Debleste? Har nay djivell i morsh i djoudjo djipen glan o Debleste, kay kras les?

Hiob 4:17 Referans Kwoze

Hiob 9:2

Tchatchepah, djinau te hi jaake. Har nai well i mensho an o tchatchepen glan o Debleste?

Hiob 25:4

Glan o Debleskre jaka hi kek mensho an o tchatchepen tardo. Kek mensho hi erligo glan leste.

Sikepaskro 7:20

Kek mensho hi jaake an o tchatchepen tardo, te krell lo kokres latcho koowa un anell kek doosh ap peste.

Remarja 11:33

Har baro hi o Debleskro latchepen ap lauterende! Har baro hi leskro goswepen! Job djinell halauter, hoi kek wawar nai djinella. Kek nai djinell, har job rakrell o tchatchepen win. Kek nai haiwell leskre tsele dromma.

Debleskri gili 143:2

De man, tiro budepaskres, kek phagi; glan tute hi kek mensho an o tchatchepen tardo.

Debleskro tsiro 4:8

Un hakenes lendar his shob tchirklengre mussja. Kolla his dren un win pherde jaka. Un jon giwenn o tselo diwes un i tseli rat: Latcho - un tchatcho - har kek wawar - hi o Dewel, ko rai pral halauter. Hako tsiro djiwell lo, kanna, un an ko tsiro, hoi his, un hoi wella.

Remarja 9:20

Palle penau tuke: Tu hal i mensho. Tu nai peneh gar ap o Debleste: Hoi kreh tu kote? Job kras tut. Tu nai peneh gar ap leste: Hoske kral man tu jaake?

Remarja 2:5

Un tu kameh gar pash leste te well. Tiro dji hi har bar. Doleske well o Debleskri choli baro un bareder, hoi ap tute wella ap ko diwes, kai hi o Dewel o tchatchepaskro rai un rakrell o tchatchepen win pral i tsele menshende.

Jeremia 17:9

Koon nai prindjrell o mensheskro dji? Tchi hi jaake tchilatcho un chocheno har o mensheskro dji.

Jeremia 12:1

Baro Dewel, kamoms gar te penap, kai tu doosh ap tute anal. Djinau, tu hal an tiro tchatchepen. Ninna te hi jaake, kamau te putchap tutar, har nai haiwap tiro tchatchepen. Hoske djal kolenge mishto, kai djiwenn i tchilatcho djipen? Hoske hi kolen, kai tutar krik djan, halauter, hoi len hunte well?

Debleskri gili 145:17

An lauter, hoi o baro Dewel krell, djal lo pal o tchatchepen. An lauter, hoi krell lo, hi lo latcho.

Hiob 40:8

Kameh tu tchatchepah te penell, me djau gar pal o tchatchepen? Peneh, te anom me doosh ap mande, te nai wess tu koi tardo, har te wals tut tchatches?

Hiob 35:10

Un kek lendar putchell pal o Debleste, kai les kras. Un job hi kowa, kai krell, te nai giwell i mensho gilja an i kali rat.

Hiob 35:2

Patseh, te hi kowa tchatcho, hoi penal? Tu penal: “Me hom an o tchatchepen glan o Debleste.”

Hiob 15:14

Hoi hi o mensho, te nai wals lo erligo glan o Debleste? Kek ap kai phub hi an o tchatchepen tardo glan leste.

Hiob 14:4

I tsele menshen hi doosh ap pende. Har nai well lendar jek, koles kek doosh ap peste hi?

Hiob 8:3

Patseh tchatchepah, te krell o sorelo Dewel gar, hoi mishto un tchatcho hi? Patseh, te rissrell lo peskre tchatchepaskre laba trujel?

1. Mose 18:25

Ko nashte kreh tu gar, te dess kolen temerl, kai kek tchilatchepen kran – khetne kolentsa, kai tchilatcho hi. Jaake te djal koleske, kai an o tchatchepen tardo hi, har koleske, kai tchilatcho hi. Tu hal o tchatchepaskro rai pral i tseli phub. Kameh tu tchomone te krell, hoi gar mishto un tchatcho hi?”

Hiob 4:16

Glan mire jaka dikom jekes tardo, un djinom gar koon kowa his. Shunom tchi. Palle rakras jek un penas:

Hiob 31:15

Job, kai kras man an miri dakro per, hi kowa, kai kras ninna kolen, kai mange budrenn.

Hiob 32:22

Me haiwau man gar koi pre, te rakrap jekeske pal o mui. Te kroms kowa, lals kowa, kai mange miro djipen das, sik miro djipen pale mandar krik.

Hiob 36:3

Me sikrau tuke ko bud koowa, hoi me djinau, te sikrap, te hi kowa tchatcho un mishto, hoi kras o Dewel, kowa, kai man kras.