Hiob 4:11 - O Debleskro Drom 2021 (Sinte)

¹¹ I lewe merenn, te hi len tchi marepaske un chapaske. Un lengre terne nashrenn pen kate te kote.

O Debleskro Lab 2024 (Sinte-Manouche)

¹¹ I leve merenn, te hi len či marepaske oun rhapaske. Oun lengre terne nashrenn pen kate te kote.

Hiob 4:11 Referans Kwoze

Debleskri gili 34:10

Tumer, kai o baro Debleskre menshe han, djiwenn leha! Kolen, kai djiwenn leha, hi lauter o djipaske.

2. Timoteo 4:17

O rai Jesus his ap miri rig, un das man i soor, te nai penap kote o tselo latcho lab lestar, jaake te shunan les ninna kolla, kai hi kek bibolde. Un job las man jaake dran lengre wasta win, har te woms dran i leweskro mui win lino.

Hosea 11:10

Palle djan le o baro Debleske palla, un job dell gole har i lewo, awa, job dell gole har i lewo, un leskre tchawe wenn trisslepah pash leste fun kotar, kai o kham tele djal.

Jeremia 4:7

I marepaskro, hoi marell i menshen an bud themma, stas pre. Har i lewo, hoi well dran o weesh, kras lo pes ap o drom, te dell job tumaro them paash un chatchrell tumare forja jaake, kai nai djiwell kek koi dren.

Debleskri gili 7:2

Baro Dewel, tu hal miro Dewel, pash tute khatrau man. Le man win dran i wasta kolendar, kai man palla lenna! Te weh tu gar ap miri rig,

Hiob 38:39

Te hi i lewetsa un lakre tchawe an o khatepen tchiddo un lurenn ap i viecho, nai hatseh tu lake jekes marepaske, te wenn lakre tchawe tchalo?

Hiob 1:19

Koi was i phurdepen dran o mulo tato them un das ap ko kheer ap leskre star rigja. Un ko kheer peras khetne pral kol terne menshende. Un jon meran. Un me nai nashom, me kokres, te nai penap kowa tuke.”

4. Mose 24:9

O Israel tchiwas pes tele har i bari margodja, awa, har i terni bari margodja. Kek kamell lat pre djangrell. Bacht un soor well koles, kai rakrell i bacht pral tute win, Israel! Un bibacht well ap koleste, kai rakrell i bibacht win pral tute.

4. Mose 23:24

Kai natsjona hi har i terni bari margodja, un well sorelo har i bari margodja, hoi tchiwell pes gar tele, bis te chas li pre, hoi joi maras, un pijas ko rat kolendar, hoi joi mulo das.

1. Mose 49:9

Miro tchawo, tu hal sorelo har i terno lewo, kai hi tchalo o viechestar, hoi maras lo, un djal pale, kai lo khere hi, beshell pes un tchiwell pes tele. Un hakenes hi daar, te taprell lo les an.

Hiob 5:4

Leskre tchawen his kek bacht an pengro djipen. Har anas jek tchomone ap lende pre, his kek koi, kai was ap lengri rig, un las lengro koowa an o wast.

Hiob 5:15

O Dewel lell o tchorweles dran o tchilatcho rakepen win, un dran o wast o sorleder tserdell lo les win.

Hiob 20:10

Leskre tchawe hunte denn kowa pale, hoi lengro dad i tchorwelendar tchoras.

Hiob 29:17

I tchilatcheske dom i danda paash, un tserdom koles dran leskro mui, hoi kamas lo te chal.

Debleskri gili 34:11

I bare diwje margodje hatsenn gar hako diwes doha chapaske un hunte bokenna. Kol menshen, kai rodenn o baro Debles, hi lauter doha djipaske.