Hiob 36:6 - O Debleskro Drom 2021 (Sinte)

⁶ Job mukell o tchilatches gar djides, un well koleske ap i rig, kai tele rikedo well, te lell job peskro tchatchepen.

O Debleskro Lab 2024 (Sinte-Manouche)

⁶ Yob moukell o čilačes gar djides, oun vell koleske ap i rig, kay tele rikedo vell, te lell yob peskro čačepen.

Hiob 36:6 Referans Kwoze

Debleskri gili 140:12

Koles i tchilatchi tchip hi, koles te well kek bacht an kau them! Un i marepangre, te wenn le tradedo i bibachtjatar un hunte perenn!

Hiob 5:15

O Dewel lell o tchorweles dran o tchilatcho rakepen win, un dran o wast o sorleder tserdell lo les win.

2. Petro 2:9

O Dewel, maro rai, haiwell garda te dell ap kolende, kai les kamenna, te perenn le gar o tchatcho dromestar tele. Job haiwell ninna kol tchilatchen pandlo te rikrell, te lenn le pengri phagi ap ko diwes, kai well o tchatchepen wi-rakedo pral i tsele menshende.

Jesaja 11:4

Na-a, job dell i tchorwelende pengro tchatchepen, un well kolenge ap i rig, kai gar an-dikle hi, te lenn jon pengro tchatchepen. Penell lo i sorelo lab, palle lenn i marepangre pengri phagi. Les hi i soor, te penell ap o tchilatcheste: “Tu hunte meress!”

Debleskri gili 72:4

O baro rai mu rakrell i tchorwelenge mishto, un well ap i rig kolendar, kai tele rikedo wenn, un stakrell kolen khetne, kai len dukrenna.

Debleskri gili 55:23

Witse kowa, hoi tuke phares hi, ap o baro Debleste! Job hi kowa, kai lell tiro koowa an peskro wast. An kek tsiro mukell job koles te perell, kai an o tchatchepen tardo hi.

Debleskri gili 9:12

Giwenn o baro Debleske, kai ap i berga Zion khere hi! Penenn i menshenge an wawar themma, hoi job lauter kras!

Hiob 21:30

Ap ko diwes, kai well i bibacht, kai well o Debleskri choli pral i menshende, atchell o tchilatcho djido.

Hiob 8:22

Kolla, kai kamenn tuke tchilatchepen te krell, hunte ladjenn. Un i khera i tchilatchendar atchenn gar tardo.

Hiob 4:7

Rake tiro djijeha, un pen mange, kai maras o Dewel jekes, ap koleste kek doosh his? Kai las lo o djipen jekestar krik, kai his an o tchatchepen tardo?

Hiob 34:26

Ap i platsa, kai i tchilatche pengri phagi lenna, un hakeno nai dikell len, dell lo len lengri phagi.

Hiob 38:13

Penal lake, te djal li pral i tseli phub jek rigjatar ap i wawar, jaake te nashenn penge i tchilatche un khatrenn pen?

Debleskri gili 140:13

Me djinau, te lell o baro Dewel i tchorwelengro koowa an peskro wast, un dell jak, te lenn le pengro tchatchepen.