Hiob 34:5 - O Debleskro Drom 2021 (Sinte)

⁵ O Hiob penas: “Me hom an o tchatchepen tardo. Un miro tchatchepen las o Dewel mandar krik.

O Debleskro Lab 2024 (Sinte-Manouche)

⁵ O Hiob penas: “Me hom an o čačepen tardo. Oun miro čačepen las o Devel mandar krik.

Hiob 34:5 Referans Kwoze

Hiob 33:9

“Me djiwom i djudjo djipen, un krom kek tchilatcho koowa. Kek doosh hi ap mande. O tchatcho dromestar djom gar tele.

Hiob 27:2

O Dewel kras, te lap gar miro tchatchepen. O sorelo Dewel kras miro djipen shutlo. Me dau man sowel pash o djido Debleste:

Hiob 32:1

Un kol triin mursha penan buder tchi pale ap o Hiob doleske, kai his job an peskre jaka an o tchatchepen tardo.

Hiob 29:14

Hako tsiro krom, hoi tchatcho hi. Un miro tchatchepen his ap mande, har te wals lo miro ripen un miri stadi.

Hiob 16:17

Jaake hi kowa, ninna te krom kek tchilatchepen, un mangom miro Debles i djudjo djijeha an.

Hiob 11:4

Tu penal: “Kowa hoi me rakrom, hi halauter tchatcho. Me hom djudjo glan o Debleskre jaka.”

Hiob 10:7

Tu djineh, te hi ap mande kek doosh, un te hi kek koi, koon nai lell miro djipen dran tiro wast win.

Hiob 9:17

Job bitchrell i sorelo phurdepen, te taprell lo pal mande, un dell man bud dukepen, ninna te krom tchi.

Hiob 6:29

Mukenn tele, tchilatchepen ap mande pre te anell! Awa, mukenn tele koleha! O tchatchepen hi ap miri rig!

Hiob 13:18

Me anom kawa pre, te well win kerdo, hoi o tchatchepen hi. Me djinau, te hi man tchatcho.

Hiob 34:4

Mer te hatsas kanna khetne win, hoi an kau koowa tchatcho un mishto hi.

Jesaja 40:27

Hoske penenn tumer Israelitarja, tumer, kai wenna pal o Jakob: “O baro Dewel prindjrell men buder gar. Maro Dewel dikell gar koi pre, te well men maro tchatchepen.”

Hiob 8:3

Patseh tchatchepah, te krell o sorelo Dewel gar, hoi mishto un tchatcho hi? Patseh, te rissrell lo peskre tchatchepaskre laba trujel?

Hiob 19:7

Te dau win gole ‘Awenn ap miri rig’, shunell man kek. Ninna te dau soreles gole, dell kek man miro tchatchepen.