Hiob 34:25 - O Debleskro Drom 2021 (Sinte)

²⁵ Tchatchepah, job djinell ko koowa, hoi le kran. Rati mukell lo len te perell, te wenn le khetne stakedo.

O Debleskro Lab 2024 (Sinte-Manouche)

²⁵ Čačepah, yob djinell ko koova, hoy le kran. Rati moukell lo len te perell, te venn le khetne stakedo.

Hiob 34:25 Referans Kwoze

Hiob 34:20

Ap jek kopo merenn le. Mashkral an i rat trissenn le un hi gar buder. Kol sorele wenn krik lino kek mensheskro wasteha.

Debleskro tsiro 20:12

Un me dikom i mulen: i bare har i tikne. Jon his tardo glan o Debleskro beshepaskro. Un lila wan pre kerdo, kai tchinlo hi, hoi i menshe kran. Pale was ko djipaskro liil pre kerdo, kai kolla dren tchinlo hi, kai djiwenna hako tsiro. Un o tchatchepen was wi-rakedo pral kol tsele mulende jaake, har an i lila dren tchinlo hi.

1. Tessalonikarja 5:2

Tumer djinenna, o rai Jesus wella har i tchorepaskro an i rati.

Amos 8:7

O baro Dewel, koles i Israelitarja sharenn, job das pes sowel un penas: An kek tsiro bistrau kau tchilatcho koowa, hoi le kran.

Hosea 7:2

Un kowa djal gar an lengro shero dren, te djinau me lengro tselo tchilatchepen. Lengro tchilatcho koowa hi trul lende trujel, un hi mange tardo glan mire jaka.

Jesaja 66:18

Me djinau kowa, hoi jon kran, un kowa, hoi an lengre sherja glan djas. Un me wau, te lap i menshen khetne dran i tsele themma un dran hako rakepen. Un jon wenna un dikenn miro railepen.

Jesaja 15:1

Kate sikrell o Dewel, hoi pral o them Moab wella. An jek rat well o foro Ar an o them Moab khetne stakedo. Un ko foro hi buder gar koi. An jek rat well o foro Kir an o them Moab khetne stakedo. Un o foro hi buder gar koi.

Kamlepaskri gili 3:8

Latche kurepangre hi le halauter, un haiwenn mishto te kurenn le pen o chareha. Hakeno lendar hidjrell peskro charo ap i rig, te kurell lo pes koleha, kai tchorchanes nai well an i rati.

Debleskri gili 33:15

Job tchiwell lenge an o dji, hoi te krenn le, un dell jak ap lauter, hoi jon krenna.

Hiob 34:11

Job dell o menshes ap o shero pale, hoi job kras, un jaake, har djiwas lo, well kowa ap leste.

Hiob 36:20

Ma pen: Mu well sik rati! Kowa hi o tsiro, kai i natsjone ap jek kopo buder gar koi hi.

Hiob 38:13

Penal lake, te djal li pral i tseli phub jek rigjatar ap i wawar, jaake te nashenn penge i tchilatche un khatrenn pen?

Gosewe laba 12:7

I tchilatche wenn tele witsedo un hi gar buder koi. O kheer kolendar, kai an o tchatchepen tardo hi, atchell tardo.