Hiob 34:23 - O Debleskro Drom 2021 (Sinte)

²³ O Dewel hunte tchiwell kek tsiro dren, te anell lo i menshes glan peste, te rakrell lo o tchatchepen pral leste win.

O Debleskro Lab 2024 (Sinte-Manouche)

²³ O Devel hounte čivell kek tsiro dren, te anell lo i menshes glan peste, te rakrell lo o čačepen pral leste vin.

Hiob 34:23 Referans Kwoze

Remarja 9:20

Palle penau tuke: Tu hal i mensho. Tu nai peneh gar ap o Debleste: Hoi kreh tu kote? Job kras tut. Tu nai peneh gar ap leste: Hoske kral man tu jaake?

Debleskri gili 119:137

Baro Dewel, tu hal an o tchatchepen tardo, un tire tchatchepaskre laba hi mishto.

Esra 9:13

Un har ko tselo tchilatcho koowa kram un jaake bud doosh ap mende anam, was kai bari bibacht ap mende. Ach, maro Dewel, tu rikral tut pale un dal men gar koi phagi, hoi hunte lams. Un mukal mendar sawe djides, kai wan dran o pandepen pale win, un wan pale kate an o them Israel.

Jeremia 2:5

Kowa penell o baro Dewel: Hawo djungelo koowa hatsan tumare phure ap mande, kai djan jon mandar krik, un mangan figuren an, kai kek dewel hi. Un jaake djan le tele.

Jesaja 42:3

I an-phagedo shilftikro khass, phagell lo gar tele, un i momeli hoi gomme i tikni jagah chatchell, koja krell lo gar win. Tchatchepah, job krell, te lell hakeno peskro tchatchepen.

Hiob 23:7

Palle anoms miro tchingepen glan leste, un sikroms, te hom an o tchatchepen tardo. Un o Dewel, miro tchatchepaskro rai, dikals, te hi kek doosh ap mande, un mukals man te djal hako tsireske.

Hiob 16:21

Jaake har i mensho peskro maleske mishto rakrell, kamoms te rakrell jek mange mishto glan o Debleste.

Hiob 11:11

Job djinell, koon i tchi-molde hi, un dikell o tchilatcho koowa, hoi le krenn. Kowa hi gar khatedo glan leste.

Hiob 11:6

Job djinell halauter pral halauter. Kamoms, te sikrals lo tute peskro goswepen, hoi menge khatedo hi. Palle hunte haiwess, te dikell o Dewel pral bud doosh tutar pral wergel!

Hiob 34:24

Job dell i sorele rajen khetne, un hunte hatsell gar win, hoi jon kran. Ap lengri platsa tchiwell lo wawaren.

Hiob 9:3

Te kamell lo pes leha te tchingrell, nai putchals lestar o Dewel jek sero koowa. Un o mensho nai penals gar jek pale.