Hiob 34:15 - O Debleskro Drom 2021 (Sinte)

¹⁵ palle merans halauter, hoi djiwenn, ap jek kopo, un o mensho wals pale tchik.

O Debleskro Lab 2024 (Sinte-Manouche)

¹⁵ palle merans halauter, hoy djivenn, ap yek kopo, oun o mensho vals pale čik.

Hiob 34:15 Referans Kwoze

1. Mose 3:19

Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

Sikepaskro 12:7

O mensho well pale phub, kolatar job kerdo was. Un o ducho hunte djal pale pash o Debleste, kai das o duches o mensheste.

Jesaja 57:16

Kamau gar hako tsiro pral i menshende te tchingrell un man choirell. te merenn le gar lauter glan mande, kol menshe, kolen me krom.

Jesaja 27:4

Me hom buder gar chojedo ap leste. Te hatsoms subjengre burra un subjengro senlepen dren, djoms ap lende un chatchroms len halauter pre.

Hiob 30:23

Me djinau kanna, tu kameh man an o mulengro them te anell, kai i tsele djide khetne wenn pal lengro merepen.

Hiob 10:9

Ma biste, te kral man dran tchik. Kameh tu kanna, te wap pale tchik?

1. Mose 7:21

Un koi meras halauter ap i phub, hoi djido his: i tchirkle un i vieche, – kolla, kai diwjo hi un kolla, kai gar diwjo hi, ninna i tikne vieche, hoi djan pral i phub, un i tsele menshe.

2. Samuel 14:14

Well o tsiro, kai mer hunte meras halauter. Un ham har pani, kai ap i phub tchoredo hi, un hoi nai hadell kek buder pre i phubjatar. O Dewel kamell gar o djipen krik te lell. Job kamell gar te atchell kowa, kai was krik tradedo, ninna lestar krik.

Hiob 34:16

Hiob, te haiweh, hoi penau, palle shun kawa! De mishto jak ap miro rakepen!

Debleskri gili 104:29

Tu te djah lendar krik, taprell len i daar. Tu te leh lendar o ducho, merenn le, un wenn pale tchik.