Hiob 33:6 - O Debleskro Drom 2021 (Sinte)

⁶ Dik, glan o Debleste hom me jaake bud har tu hal. Un me ninna hom dran i tchik kerdo.

O Debleskro Lab 2024 (Sinte-Manouche)

⁶ Dik, glan o Debleste hom me yaake boud har tou hal. Oun me ninna hom dran i čik kerdo.

Hiob 33:6 Referans Kwoze

Hiob 4:19

Har bud budeder hatsell lo doosh ap kolende, kai wan dran tchik kerdo – ap kolende, kai nai wenn khetne stakedo har i kirmo.

2. Korintarja 5:20

Jaake ham mer o Debleskre bitchepangre. Men hi o Jesus Kristeskro tchatcho wast. Doleske mangah i menshendar, te wenn le pash leste. Un kowa hi jaake, har te dell len o Jesus Kristo gole: “Awenn pash o Debleste! Awenn leskre mala!”

2. Korintarja 5:1

Mer djinah, maro djipen ap kai phub atchell gar. Pal maro merepen lah i newo trupo. Ko newo trupo hi har i kheer, hoi kras o Dewel un kek mensho. Ko kheer atchell hako tsiro an o bolepen.

Hiob 31:35

Ach, te wals jek koi, kai ap mande shunell! Hoi penom, tel kowa nai tchinau miro lab. O sorelo Dewel te rakrell pale! Kai hi ko liil, an koleste kowa miri doosh pre-tchinas, kai penell, te lom doosh ap mande?

Hiob 20:22

An ko tsiro, kai les an lauter budeder har doha hi, well i daar pral leste. I phari bibacht dell les tele.

Hiob 13:12

Tumaro gosewo rakepen hi gar budeder moldo har jagakri tchik. Kowa hoi tumer kate glan anenn, rikrell gar feteder har khera dran tchik.

Hiob 10:9

Ma biste, te kral man dran tchik. Kameh tu kanna, te wap pale tchik?

2. Mose 4:16

O Aron rakrell tuke ap i Israelitarja, un lauter, hoi tu leske peneh, kowa penell lo! Job hi har tiro mui. Un tu hal leske har i dewel, kai leske i laba an o mui tchiwell.

1. Mose 30:2

Koi las o Jakob i bari choli ap i Rachel un penas: “Hom me o Dewel, te nai dap tut tchawe!”

1. Mose 3:19

Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

1. Mose 2:7

Un o baro Dewel, maro rai, kras o romes dran tchik i phubjatar. Un phurdas peskro ducho, hoi della o djipen, an o romeste. Un o rom was djido.

Hiob 13:3

Gar tumentsa, na-a, o sorelo Debleha kamau te rakrell. glan leste kamau miro koowa glan te anell.

2. Korintarja 4:7

O latcho lab o Jesus Kristestar hi i baro brawlepen, hoi mer hidjrah an mende. Mer kokres ham har tchare, hoi tchi moldo hi, jaake te dikell hakeno, koi bari soor well o Deblestar, un gar mendar.