Hiob 33:13 - O Debleskro Drom 2021 (Sinte)

¹³ Hoske hal tu chojedo leha, te rakras lo tchi pale ap kowa, hoi penal?

O Debleskro Lab 2024 (Sinte-Manouche)

¹³ Hoske hal tou rhoyedo leha, te rakras lo či pale ap kova, hoy penal?

Hiob 33:13 Referans Kwoze

Hiob 40:2

Tu kameh tut mantsa te tchingrell – mantsa, kai o sorelo Dewel hom? Tu, kai doosh ap mande hatsal, un mange penal, hoi gar mishto krom, pen kanna tchomone kai pre!

Jesaja 45:9

Djungeles djal koleske, kai chojedo hi koleha, kai les kras! Job hi tchi har i kotar dran i paash dino tcharo mank wawar paash dine kotja. Ko tchik, dran koleste tchare chatchedo wenn, nai penell lo ap koleste, kai lestar tchomone krell: Hoi kreh tu? Un ko tcharo, hoi lo kras, penell kowa nai ap leste: Tu haiweh tchi!

1. Korintarja 10:22

Ma choirenn o Debles! Mer ham gar sorleder har job.

Remarja 11:34

Kek haiwell lauter kowa, hoi hi an o Debleskro dji. Job hi o rai. Kek nai penell leske, hoi job hunte krella.

Bičepangre 5:39

Te hi ko koowa o Deblestar, palle nai phagenn les gar. Denn jak, te tchingrenn tumer gar ap o Debleste.” Un jon shunan ap o Gamalijel.

Bičepangre 1:7

Koi penas o Jesus: “O tsiro, kai o dad kowa krella, hi leskro koowa. Tumer hunte djinenn kowa gar.

Mateo 20:15

Me krau nai mire lowentsa, hoi me kamau. Hoske hal tu tchilatcho ap mande, te hom me latcho?

Ezekiel 22:14

Tchatchepah, an kol diwessa, kai djau khatar tumende, atchenn tumare djia gar soreles, un tumer nai hadenn buder gar tumare wasta! Me, o baro Dewel, rakrom, un hoi penom, krau me ninna.

Jeremia 50:24

Me tchiwom dorja pral tiro drom, te peress dren, Babilon, un sikeder har tu dikal, mukal tut te taprell. Pral mande, o baro Debleste, hadal tut. Doleske wal tapedo un pandlo.

Jesaja 46:10

An o phuro tsiro penom me glan-wi, hoi wella. Glan rah tsiro rakrom kolestar, hoi gomme gar his. Un me penau: Kowa hoi me mange glan lom, well jaake. Un me krau lauter, hoi kamau te krell.

Debleskri gili 62:11

Ma patsenn, te lenn brawlepen, te djan ap jekeste i sorjah pre! Ma patsenn, te krell tumen kowa brawelo, hoi tchoran! Ninna te wenn brawleder un brawleder, ma tchiwenn tumare djia pre!

Hiob 9:14

Har nai hatsoms me laba, te nai penap tchomone ap leste?

Remarja 9:20

Palle penau tuke: Tu hal i mensho. Tu nai peneh gar ap o Debleste: Hoi kreh tu kote? Job kras tut. Tu nai peneh gar ap leste: Hoske kral man tu jaake?

Hiob 11:7

Patseh, te djineh halauter, hoi an o Debleskro dji hi? Nai haiweh tu, har baro o sorelo Dewel hi?

Hiob 9:12

Te lell lo jekes sorjah krik, koon kamell les pre te rikrell? Kek nai penell ap leste: Hoi kreh tu?

Hiob 10:2

Me penau ap o Debleste: Ma pen: Doosh hi ap tute! Pen mange, hawi doosh tu ap mande hatsal?

Hiob 10:6

Hoske rodeh doosh ap mande, un dikeh palla, hawo tchilatchepen krom?