Hiob 30:23 - O Debleskro Drom 2021 (Sinte)

²³ Me djinau kanna, tu kameh man an o mulengro them te anell, kai i tsele djide khetne wenn pal lengro merepen.

O Debleskro Lab 2024 (Sinte-Manouche)

²³ Me djinau kanna, tou kameh man an o moulengro them te anell, kay i tsele djide khetne venn pal lengro merepen.

Hiob 30:23 Referans Kwoze

Hebrearja 9:27

Un jaake har i tsele menshe hunte merenna jek kopo, un palle rakrell o Dewel o tchatchepen pral lende win,

Sikepaskro 9:5

I djide djinenna, kai hunte merenn le, i mule djinenn tchi. Koleske, hoi le kran, well len witar buder tchi. Bistedo hi le.

Sikepaskro 8:8

O menshes hi kek soor, te nai rikrell lo o phurdepen pre. Un les hi kek soor pral ko diwes, kai merell lo. Ninna glan o kurepen nai nashell peske kek. Un peskro tchilatcho koowa nai lell gar o tchilatches win dran i bibacht.

Hiob 21:33

Te well lo kote anlo, djan bud bud menshe pal leste un glan leste. Un jaake har lo paskedo well, hi kowa leske shukar.

Hiob 14:5

Tu penal, har phuro i mensho well, kitse tchonna job djiwell. Un penal, ap hawo diwes leskro djipaskro tsiro trujel hi.

Hiob 3:19

Kote hi o baro un o tikno, lauter jek har o wawar. Un o pandlo budepaskres hi buder kek rai pral peste.

2. Samuel 14:14

Well o tsiro, kai mer hunte meras halauter. Un ham har pani, kai ap i phub tchoredo hi, un hoi nai hadell kek buder pre i phubjatar. O Dewel kamell gar o djipen krik te lell. Job kamell gar te atchell kowa, kai was krik tradedo, ninna lestar krik.

1. Mose 3:19

Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

Hiob 10:8

Tu kral man tire wastentsa, lauter ap mande hi tutar kerdo; un kanna chah tu man pre!

Josua 23:14

An i tikno tsiro merau, har hakeno ap kai phub hunte merell. Tumer djinenn, te peras kek lab ap i phub kol tsele latche labendar, hoi o baro Dewel pral tumende penas. Lenn kowa ap o dji: Lauter, hoi job penas, was jaake har job penas. Kek lab peras tele.