Hiob 30:1 - O Debleskro Drom 2021 (Sinte)

¹ Kanna sanenn le pral mande, kolla, kai terneder hi har me, kolengre dada an mire jaka gar doha moldo his, te denn le jak ap mire bakre khetne mire djuklentsa.

O Debleskro Lab 2024 (Sinte-Manouche)

¹ Kanna sanenn le pral mande, kolla, kay terneder hi har me, kolengre dada an mire yaka gar doha moldo his, te denn le yak ap mire bakre khetne mire djouklentsa.

Hiob 30:1 Referans Kwoze

Hiob 12:4

Hoske wom mire malenge sapaske? Me dom gole ap o Debleste, un job shunas man. Ninna te hom an o tchatchepen tardo un djau o tchatcho drom, sanenn le man win.

Louka 23:35

Un i menshe, kai koi pashel tardo his, dikan kowa lauter, hoi o Jesuseha djas. Kol pralstune bibolde, kai kote tardo hi, san pral leste, un penan: “Wawaren las job dran o merepen win. Te hi lo tchatchepah o Kristo, ko baro rai, kones o Dewel win rodas, te well lo pash mende, palle nai djals job o trushelestar tele.”

Debleskri gili 69:12

Har riwom i gono an, te sikrap har pharo miro dji hi, kran le i sapaskri gili pral mande.

2. Rajengro liil 2:23

Un job djas pre an o pralstuno them pash Betel. Koi wan tikne mursh tchawe dran ko foro, san pral leste un dan ap leste gole: “Nango shero, am kai pral, nango shero am pral!”

Tito 1:12

Jek lendar, kowa djiwas ninna an o them Kreta, his i sikepaskro un penas pral lende: “I Kretarja chochenn hako tsiro. Har diwje vieche hi le! Jon haidjrenn pengro pesso per o tselo diwes un budrenn tchi.”

Bičepangre 17:5

I bibolde, kai gar ap o Jesuseste patsan, silweran ap o Pauleste un ap o Silaseste. Un jon djan ap o drom, rodan tchilatche murshen, un lentsa kran le i menshen an ko foro diwjo. Un jon djan pash ko kheer, kai djiwas o Jason. Jon patsan, te wans o Paulo un o Silas pash leste. Un i bibolde un i tchilatche kaman len dran o kheer win te anell glan i tsele menshende.

Louka 23:39

Jek kol tchilatche murshendar, kai ap o trushel dino his, praassas o Jesuses, un penas: “Te hal tu ko Kristo, ab o trushelestar tele, un le men ninna tele!”

Louka 23:18

Koi dan i tsele menshe gole: “Mare les, un de men o Barabes!”

Louka 23:14

un penas ap lende: “Tumer anan kau murshes pash mande, un penan mange, te krell lo i menshen diwjo. Me kamom lestar te shunell, hoi job koi pre penella, un hatsom kek doosh ap leste, hoi tumer ap leste pre anan.

Markus 14:65

Koi wan mursha un tchungran leske an o mui, pandan leske tchomone trul leskre jaka, dan les un penan ap leste: “Pen menge, koon das tut?” Un i lurde dan les an o mui.

Jesaja 3:5

Un an o them djal hakeno ap o wawareste un dell les pral o kand: o terno o phures, o tchi-moldo o an-dikles.

Hiob 30:2

Len his buder kek soor an pengre mussja. Hoi wals man kolestar, te budrans le mange?

Debleskri gili 119:51

Ninna te sanenn pre-phurde menshe pral mande, mukom gar tiro drom.