Hiob 3:21 - O Debleskro Drom 2021 (Sinte)

²¹ Jon kamenn te merenn, un o merepen well gar. Jon rodenn les budeder har brawlepen,

O Debleskro Lab 2024 (Sinte-Manouche)

²¹ Yon kamenn te merenn, oun o merepen vell gar. Yon rodenn les boudeder har bravlepen,

Hiob 3:21 Referans Kwoze

Debleskro tsiro 9:6

Un an ko tsiro kamenn i menshe te merell, un nashte merenn gar. Lengro dji nashell pal o merepen, un o merepen nashell lendar.

Gosewe laba 2:4

Rode pal miro goswepen, har te rodals rup un i khatedo brawlepen!

Jona 4:8

Un har o kham ap o bolepen tardo his, mukas o baro Dewel i tato phurdepen dran o mulo them te well, un o kham das jaake tchurje ap o Joneskro shero, te nashras lo peskri soor. Un job kamas te merell un penas: “Miro merepen hi mange mishto, budeder har te djiwap!”

Jona 4:3

Un kanna, baro Dewel, le miro djipen mandar! Miro merepen hi mange mishto, budeder har te djiwap!”

1. Rajengro liil 19:4

Un job djas i diwes dur an o mulo them. Un kote beshas lo pes tel i burra, un kamas te merell un penas: “Kanna hi doha, baro Dewel. Muk man te merell! Me hom gar feteder har mire phure.”

4. Mose 11:15

Te kameh tu mantsa jaake te krell, palle ab mange latcho un de man mulo, te dikap gar miri bibacht.”

Hiob 3:22

un giwans un sans i bachtjatar, te nai merans le.

Jeremia 8:3

Un lauter kolla, kai pral atchan kal tchilatche menshendar, kai djiwenn kote, kai me len tradom, lenge wals o merepen feteder har o djipen. Kowa penell o baro Dewel, ko rai pral o bolepen un i phub.

Hiob 6:8

Ach, te shunell o Dewel, hoi lestar mangau, un krell kowa, hoi lestar kamau!

Hiob 6:9

Har kamoms, te wals leske shukar, te dell lo man mulo, te lell lo miro djipen mandar.

Hiob 7:15

Mange wals feteder, te tassrals man jek. O merepen hi latcheder har sau djipen.

Hiob 11:20

I tchilatche haiwenn gar, hoske lenge djungeles djal, un hatsenn gar win dran lengri bibacht. Lenge atchell tchi har te dikenn le ap ko diwes, kai merenn le.

Sikepaskro 4:2

Kote penom mange, bachteles hi kolla, kai meran un paskedo hi, kolenge hi feteder har kolenge, kai kanna djiwenna.