Hiob 3:14 - O Debleskro Drom 2021 (Sinte)

¹⁴ Palle woms tchiddo mank i bare rajende un pralstunende ap kai phub, kai kran pen shukar mulengre khera.

O Debleskro Lab 2024 (Sinte-Manouche)

¹⁴ Palle voms čiddo mank i bare rayende oun pralstunende ap kay phoub, kay kran pen shoukar moulengre khera.

Hiob 3:14 Referans Kwoze

Hiob 15:28

Un job djiwell an mukle forja, an khera, hoi khetne perenn, kai kek hunte djiwell.

Ezekiel 26:20

Un witsrau tut tele pash kolende an o mulengro them, pash kol menshende, kai meran glan i rah tsiro. Dur tella an i phub, pash kowa, hoi kol phure forjendar pral atchas, hoi tele djan, dau tut i platsa pash i mulende. Jaake nai djiwell buder kek an tute. Tu weh buder kek foro ap i phub, kai i djide djiwenn.

Jesaja 58:12

Un tire menshe tchiwenn pale kol phure forja pre, hoi bud bersha paash dino koi tchiddo his. Awa, jon krenn kol phure massurja newes, kolen tire phure menshe koi tchiwan glan i rah tsiro. Un tu weh kharedo: Kowa, kai phagede massurja pale pre tardo tchiwell, un kowa, kai i dromma kote pale tseles krell, kai i menshe djiwenn.

Jesaja 5:8

Djungelo djal kolenge, kai krenn pen jek kheer pal o wawar, un ginenn penge jek kotar phub pal o wawar, bis te buder kek kotja phub pral atchenn, un lenge kokres o tselo them hi.

Sikepaskro 8:8

O menshes hi kek soor, te nai rikrell lo o phurdepen pre. Un les hi kek soor pral ko diwes, kai merell lo. Ninna glan o kurepen nai nashell peske kek. Un peskro tchilatcho koowa nai lell gar o tchilatches win dran i bibacht.

Debleskri gili 89:48

Tu djineh, har tikno miro djipen hi. Ma biste, har sik i mensho buder gar kai hi! Tu kokres kral les jaake.

Debleskri gili 49:14

Dikenn har kolenge djala, kai hi jaake dinelo un kamenn pengro rakepen te shunell!

Hiob 30:23

Me djinau kanna, tu kameh man an o mulengro them te anell, kai i tsele djide khetne wenn pal lengro merepen.

Hiob 12:17

Kol pralstune, hoi i rajenge penenn, hoi te krenn le, kolendar lell lo lengro goswepen krik, un krell i tchatchepangre rajen dinelo.

1. Rajengro liil 11:43

Un o Salomo meras un was paskedo pash peskre phurende an o Davideskro foro. Un leskro tchawo, o Rehabeam, was o baro rai pal leste.

1. Rajengro liil 2:10

Un o David meras un was paskedo an o foro Jerusalem.

Hiob 12:18

I pandlen kol bare rajendar anell lo dran o pandepen win, un anell i bare rajen an o pandepen.

Jesaja 14:18

I tsele themengre raja wan shukar paskedo, hakeno an peskro mulengro kheer.

Jesaja 22:16

Koneske rikreh tut? Un koon dell tut o tchatchepen, te mukeh tu tuke kate i mulengro kheer te krell, un mukell les an i baro bar win te dell, jek kheer, hoi baro hi un dur an i bar djal.