Hiob 29:5 - O Debleskro Drom 2021 (Sinte)

⁵ har o sorelo Dewel mantsa his, un mire tchawe trul mande his,

O Debleskro Lab 2024 (Sinte-Manouche)

⁵ har o zorelo Devel mantsa his, oun mire čave troul mande his,

Hiob 29:5 Referans Kwoze

Debleskri gili 128:3

Khere hi tiri romni. Un joi hi har i drakengro ruk, hoi bud drake hidjrella. Un tire tchawe hi beshdo trul tiri chapaskri har terne djeteskre ruka.

Kamlepaskri gili 2:4

Job anas man an o moljengro kheer, un tchakras man peskro kamlepah.

Debleskri gili 30:7

Har mange mishto djas, penom: “Tchi nai well, hoi nai krell mange tchomone.”

Josua 1:9

Penau tuke pale: Ab soreles! Un ma traash gar! Ma dare tchi! Un ma traash kekestar! O baro Dewel hi tiro Dewel un hi tuha, kai tu ninna djah.”

Mateo 9:15

Penas o Jesus ap lende: “Jaake rah har o bijabeskro ap i bijab hi, hi peskre mala bachtelo. Ko tsiro wella, kai well o bijabeskro lendar lino. Ap ko tsiro chan le un pijenn le tchi, te mangenn le o Debles an.

Jeremia 14:8

Ap tute dikenn i Israelitarja, te wess ap lengri rig, un leh len win dran kai bibacht. Hoske kreh tu, har te wals i wi-themari an maro them, un har jek, kai atchell jek rati un djal palle dureder?

Gosewe laba 17:6

Tchawengre tchawe hi har i rajeskri stadi i phurenge. Un i tchawe sharenn pen pengro papeha un pengri mami.

Debleskri gili 43:2

Tu hal o sorelo Dewel ap miri rig. Hoske mukal tu man? Hoske djal mange jaake djungelo? Hoske nai krenn kolla mange o djipen pharo, kai mange tchilatchepen kamenn?

Hiob 23:3

Kamoms te djinap, har nai hatsau les, un har nai wau kote, kai lo o tchatchepen win rakrell!

Hiob 29:4

har his man gomme miri tseli soor, un o Dewel miro maal his, un jak das ap miro kheer,

Hiob 29:6

har dan mire grumja un busja budeder har doha thud, un mire djeteskre ruka jaake bud djet dan, te nashas lo har pani win dran o bar, kai wan i djeteskre drake tiknes kerdo!