Hiob 29:16 - O Debleskro Drom 2021 (Sinte)

¹⁶ O tchorweleske homs me har i dad, un lom koleskro koowa an o wast, kai i wi-themari his.

O Debleskro Lab 2024 (Sinte-Manouche)

¹⁶ O čorveleske homs me har i dad, oun lom koleskro koova an o vast, kay i vi-themari his.

Hiob 29:16 Referans Kwoze

Gosewe laba 29:7

Kowa, kai an o tchatchepen tardo hi, kowa dell ninna jak, te lell o tchorwelo peskro tchatchepen. I tchilatche djinenn gar, hoi tchatcho hi.

Gosewe laba 25:2

O Dewel well sharedo koleske, hoi job khatedo rikrell. O baro rai well sharedo koleske, hoi job pre tchakrell.

Debleskri gili 68:5

Giwenn o Debleske! Bashrenn un hadenn leskro lab! Krenn leske i drom, koleske, kai ulerell ap o bolepen. ‘Baro Dewel’ hi leskro lab. Awenn bachtelo un giwenn glan leste!

Hiob 31:18

Fun tiknes pre dom me ap lende jak, har te woms me lengro dad. Un miro tselo djipen wom kol djuwjenge ap i rig, kolengro rom meras.

Hiob 24:4

Jon tradenn i tchorwelen o dromestar tele. Un kolen tchi hi, kolla hunte khatrenn pen lendar.

Ester 2:7

Un pash o Mordekai djiwas i terni tchai, i Hadassa, kai ninna Ester kharedo was. Joi his leskro kakeskri tchai, un lat his buder kek dad un kek dai. Un joi his i shukar un raili tchai. Un har lakro dad un lakri dai meras, las o Mordekai lat pash peste un was lake har lakro dad.

Efesarja 5:1

Tumer han o Debleskre tchawe. Un job kamell tumen i tselo djijeha. Doleske krenn lauter jaake, har o Dewel kowa krella,

5. Mose 13:14

te hi kote tchi-molde, kai anan wawaren o tchatcho dromestar tele un penan: ‘Awenn, mer djas un mangas wawar deblen an, kolen tumer gar prindjrenn’,

2. Mose 18:26

Kolla rakran pral i menshende o tchatchepen win. Pral i tikno tchingepen rakran jon kokres o tchatchepen win. Un o bareder koowa anan le glan o Mose.

Jakobo 1:27

Kanna penau tumenge, hoi o Dewel, maro dad, kamella, un hoi hi latcho glan leskre jaka: Krenn latchepen i tchorwele djuwjenge, kolen kek rom buder hi! Krenn ninna latchepen kol tchorwele tchawenge, kolen kek dad un dai buder hi! Ma mukenn tumen dren an ko tchilatcho koowa, hoi i menshe ap kai phub krenna.

Hiob 4:3

Tu sikral bud menshen o tchatcho drom, un kral khine wasta pale soreles.

Jesaja 22:21

Un riwau les an tiri kutch baja, un tiro pereskro pandepen tchiwau leske trujel. Un lauter, pral kowa tu rai hals, dau an leskro wast, te well lo har i dad kolenge, kai an Jerusalem djiwenn un o tselo khereske Juda.

1. Mose 39:19

Har o Potifar kol laba peskri romjatar shunas, har joi penas ‘jaake kras tiro budepaskro mantsa’, was job an i bari choli.

2. Samuel 14:8

Koi penas o baro rai ap koi romjate: “Dja khere! Me krau ko koowa tuke.”

Hiob 30:25

Me rowom kolenge, kai len sawe phare diwessa his. Un miro dji dukas, har dikom ko tchorweles.

Hiob 31:31

Na-a, lauter kai pash mande djiwenn, djinenn, hakeno, kai pash mande was, las latches un doha te chal.

Hiob 31:32

Kolla, kai ap pengro drom pash miro wudar wan, kolenge krom me pre. Kek wi-themari hunte sowas win ap o drom.