Hiob 27:22 - O Debleskro Drom 2021 (Sinte)

²² Ko ducho phurdell ap leste peskri tseli sorjah, un mukell gar tele. Un ko mensho marell pes tele, te nashell lo peske glan leskri soor.

O Debleskro Lab 2024 (Sinte-Manouche)

²² Ko dourho phourdell ap leste peskri tseli zoryah, oun moukell gar tele. Oun ko mensho marell pes tele, te nashell lo peske glan leskri zoor.

Hiob 27:22 Referans Kwoze

Remarja 8:32

O Dewel rikras peskro tchawes gar pash peste. Job das les menge lauterenge an o merepen. Patsenn tumer gar, te dell lo men khetne leha kowa lauter, hoi job menge penas?

Amos 2:14

Ninna kolla, kai nashenn nai sik, nai nashenn gar penge. Sorele mursha nashrenn pengri soor. Un kurepangre atchenn gar djido.

Ezekiel 24:14

Me, o baro Dewel penom kowa, un me krau les ninna jaake. Kau tsiro was, te krap kowa. Me rikrau man gar pale, te dap tumen i phagi, tumer khaitenn man gar. Me krau miro dji gar pre tumenge. Tumer lenn tumari phagi pal kowa har djiwan un hoi kran. Kowa penell o baro Dewel, maro rai.

Ezekiel 5:11

Tumer kran miro kheer pale-tchiddo kol chochene deblentsa un djungelo koweha, hoi kote kran, penau me, o baro Dewel, tumaro rai. Doleske dau man sowel, me o djido Dewel, te dap tumen paash. Tumer khaitenn man buder gar un me krau miro dji buder gar tumenge pre.

Jeremia 13:14

Jaake har kol khore phagenn, te wenn le khetne dino, jaake krau, te phagell jek ap o wawareste, ninna i dada ap lengre tchawende. Jon khaitenn man gar, un i dji hi man witar gar lenge, un rikrau man gar pale, te marap len lauter. Kowa penell o baro Dewel.

Jesaja 10:3

Hoi kamenn tumer te krell ap ko diwes, kai well tumari phagi pral tumende? Ap ko diwes, kai well i bibacht fun dural pral tumende? Pash koneste kamenn tumer palle te nashell? Un kai mukenn tumer palle tumaro brawlepen?

Hiob 20:24

Ninna te nai nashell lo glan o sasterno charo, dell les jek tele karje.

Hiob 11:20

I tchilatche haiwenn gar, hoske lenge djungeles djal, un hatsenn gar win dran lengri bibacht. Lenge atchell tchi har te dikenn le ap ko diwes, kai merenn le.

Josua 10:11

Un har i Amorarja glan i Israelitarja nashan ap o drom, hoi djal tele pash Bet-Horon, kote mukas o baro Dewel brishineskre barra dran o bolepen ap lende te perell ap o tselo drom bis pash Aseka, jaake te wan le i barrendar mulo dino. Un kol brishineskre barra maran budeder lendar har i Israelitarja o chareha mulo dan.

5. Mose 32:23

Pale te pale anau me bibacht pral lende; me dau mire tsele faile karje an lende.

5. Mose 29:20

Job tchiwell les infam, te hi lo kek Israelitari buder. Un ap leste well koi bibacht, hoi koles taprell, kai tel o praassepen hi doleske kai rikras lo pes gar ap kowa, hoi peskro baro Dewel leha win kras, jaake har an kau tchatchepaskro liil tchinlo hi.

2. Mose 9:14

Te shuneh tu kau kopo pale gar, palle kamau me i djungleder bibacht pral tute un tire pralstunende un pral tire tsele menshende te bitchrell, te dikess un haiwess, te hi kek ap kai phub jaake har me.

Hiob 10:7

Tu djineh, te hi ap mande kek doosh, un te hi kek koi, koon nai lell miro djipen dran tiro wast win.

Jona 1:10

Ninna penas lo lenge, kai job o baro Deblestar krik nashas. Kote trashan kol mursha budeder, un putchan lestar: “Hoske kral tu kowa?

1. Samuel 25:29

Un te hadell pes i mensho, te lell lo tut palla, un kamell tut te marell, palle rikrell o baro Dewel peskre wasta pral tiro djipen, jaake har jek i kutch bar an peskri possita khatrell. Kolla, kai kamenn tut te marell, lengro djipen well krik witsedo, har jek i bar krik witsrella!

Debleskri gili 11:6

Mu dell lo i tchilatchen i phagi: Jag un jagakri khand mukell lo pral lende te perell, un i tato ducho phurdell ap lende.