Hiob 27:21 - O Debleskro Drom 2021 (Sinte)

²¹ I tato sorelo ducho hadell les pre, hidjrell les krik, un phurdell les krik dran peskro kheer.

O Debleskro Lab 2024 (Sinte-Manouche)

²¹ I tato zorelo dourho hadell les pre, hidjrell les krik, oun phourdell les krik dran peskro kheer.

Hiob 27:21 Referans Kwoze

Debleskri gili 11:6

Mu dell lo i tchilatchen i phagi: Jag un jagakri khand mukell lo pral lende te perell, un i tato ducho phurdell ap lende.

Debleskri gili 83:15

Ab lenge har i jag, hoi o weesh tele chatchrell, un pes an i berge dureder chal!

Debleskri gili 58:9

Jaake har i momeli tele chatchrell, un buder gar koi hi, un jaake har i ternepen, hoi mulo boldo well un o kham gar dikas, jaake te atchenn jon witar gar.

Hiob 21:18

un phurdas les krik, har phurdell i ducho o phuss krik, un har hidjrell i sorelo phurdepen o tchik krik.

Hiob 7:10

Pash peskro kheer well lo gar buder pale Un kote, kai djiwas lo, well lo bistedo.

Mateo 7:27

Har das sorelo brishin, un bud pani was, un i sorelo ducho phurdas ap ko kheer, koi peras ko tselo kheer khetne.”

Hosea 13:15

Ninna te hi o Efrajim mank peskre phralende har i senelo ruk, hoi hidjrell latche rukengre, bitchrell o baro Dewel i tato ducho, hoi well kotar, kai o kham pre djal. Dran o mulo tato them well lo, un krell, te wenn i tsele panja truk. Un job lell leskro tselo brawlepen lestar krik, – ko tselo kutch koowa.

Jeremia 18:17

Me mukau wawar menshen pral mire menshende te well, kai tradenn len krik har i sorelo ducho, kai well kotar, kai o kham pre djala. Me kamau lenge o dumo te sikrell, un wau gar ap lengri rig ap ko diwes, kai well i bibacht pral lende.

Hiob 18:18

I phubjatar, kai i djide djiwenn, was lo tradedo an ko tamlo them, kai i mule hi.

Hiob 20:8

Job djal krik har i suni, un well buder gar hatslo. Har kowa, hoi jek suni das, buder gar koi hi, jaake atchell tchi lestar.

Hiob 30:22

Tu mukeh i ducho te well, hoi hadell man pre un phurdell man krik, un witsrell man pre un tele an i baro phurdepen.

Debleskri gili 102:10

An tiri choli dal tu man trad, hadal man pre un witsral man pale tele ap i phub. Doleske chau jagakri tchik har maro. Un mire swa perenn an miro pipen.