Hiob 26:14 - O Debleskro Drom 2021 (Sinte)

¹⁴ Dik, kawa hi tchi har i tikno kotar kolestar, hoi job kras. Un hoi lestar shunam, hi gar budeder har i tikno lab. Kek nai haiwell, har baro leskri soor tchatchepah hi!

O Debleskro Lab 2024 (Sinte-Manouche)

¹⁴ Dik, kava hi či har i tikno kotar kolestar, hoy yob kras. Oun hoy lestar shounam, hi gar boudeder har i tikno lab. Kek nay hayvell, har baro leskri zoor čačepah hi!

Hiob 26:14 Referans Kwoze

Debleskri gili 145:3

Sorelo hi o baro Dewel un bud moldo, te well lo sharedo. Kek haiwell, har baro job hi.

Debleskri gili 139:6

Tu prindjreh man jaake mishto, kowa hi mange bares un phares. Me nai haiwau kowa gar.

Remarja 11:33

Har baro hi o Debleskro latchepen ap lauterende! Har baro hi leskro goswepen! Job djinell halauter, hoi kek wawar nai djinella. Kek nai djinell, har job rakrell o tchatchepen win. Kek nai haiwell leskre tsele dromma.

Debleskri gili 29:3

O baro Debleskro rakepen well shunlo pral i panja. Te dell o sorelo Dewel gole, hi kowa har koi bari gole, hoi dell o bolepen, te dell baro brishin. O baro Dewel hi o rai pral i tsele bare panja.

Hiob 40:9

Hi tut sawi bari soor har man? Nai rakreh tu sawi sorjah har me?

Hiob 36:29

Jaake dell lo lenge budeder har doha te chal. Kek nai haiwell, har o Dewel i wolken ap o bolepen tchiwas, un har well koi bari gole dran leskro bolepaskro kheer, te dell i jag ap o bolepen karje trul leste trujel. O telstunepen o baro panjestar atchell an o tamlepen.

Hiob 4:12

Mange wan tchorchanes laba penlo. I tikni goljah rakras jek an miro kand.

1. Samuel 2:10

Kolla, kai tchingrenn ap baro Debleste, wenn mulo dino. Dran o bolepen bitchrell o Dewel peskri choli pral lende. O baro Dewel dell i tseli phubjat peskri phagi. Job rodell koles win, kai baro rai well, un dell les bari soor.

Hiob 37:4

Pal kowa well koi bari soreli gole shunlo, hoi hi har o baro Debleskro rakepen. Un job rikrell peskri jag gar pale, te mukell lo peskro rakepen te shunell.

Hiob 37:5

Te mukell o Dewel peskro rakepen te shunell, krell lo kowa sawi bari goljah, te atchell menge o rakepen krik. Job krell baro koowa, hoi nai haiwah mer gar.

Hiob 42:5

Ap ko tsiro djinom tchi tutar, har kowa hoi mange penlo was. Kanna dikom tut mire jakentsa.

Habakuk 3:4

Leskro shukapen hi har o kham, hoi pre djal. Har khameskri momeli djal dran leskre wasta win. Kote dren hi leskri soor khatedo.

Sikepaskro 11:5

Tu djineh gar hawo drom o phurdepen djala, un har i kokale kerdo wenna an i dakro per. Jaake nai djineh tu witar gar, hoi o Dewel halauter krella, un har job halauter krella.