Hiob 25:2 - O Debleskro Drom 2021 (Sinte)

² O Debles hi i soor pral halauter, un hakeno hunte trashell lestar. I sorelo wasteha krell lo, te well kek tchingepen an peskro bolepaskro them.

O Debleskro Lab 2024 (Sinte-Manouche)

² O Debles hi i zoor pral halauter, oun hakeno hounte trashell lestar. I zorelo vasteha krell lo, te vell kek čingepen an peskro bolepaskro them.

Hiob 25:2 Referans Kwoze

Debleskro tsiro 6:16

un penan ap kol berge un ap kol bare barra: “Perenn ap mende, un khatrenn men kolestar, kai ap o rajeskro beshepaskro beshdo hi, un koi bari choljatar, hoi ko terno bakres hi!

Kolossarja 1:20

Un o Jesus Kristo hi ko drom, kai o Dewel un i menshe pale mala wenna. Har job ap o trushel meras, un peskro rat ratas, anas o Dewel lauteren pash peste khetne, hoi hi an o bolepen un ap i phub.

Judas 1:25

Sharas koles, kai kokres o Dewel hi! Job las men dran o tchilatchepen win, har maro rai, o Jesus Kristo, menge meras. Maro Dewel hi o baro rai. Les hi i tseli soor kanna un glan kau tsiro un an ko tsiro, hoi wella. Amen.

Mateo 28:18

Un o Jesus djas pash lende un penas ap lende: “O baro Dewel das man i soor pral o bolepen un pral i phub.

Jesaja 57:19

tchiwau i gili an lengro mui, kolah sharenn le man. Kolenge, kai dur krik hi, ninna kolenge kai gar dur hi, lenge halauterenge mu djal mishto, penell o baro Dewel. Me krau len sasto.

Mateo 5:9

Bachtele hi kolla, kai krenna, te well kek tchingepen mank i menshende. O Dewel kharell len peskre tchawe.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Mateo 6:13

Ma muk men tiro dromestar tele te djal! Le men dran o bengeskro wast win!

Hiob 16:19

Ninna kanna hi jek an o bolepen, kai stell mange pre un well ap miri rig. Kowa, kai mange mishto rakrell, hi an o pralstunepen.

Hiob 25:1

O Bildad dran Shuach penas koi pre:

Hiob 31:2

Te rikroms me gar ap kowa, hoi krals palle mantsa o Dewel an o pralstunepen? Tchatchepah o sorelo Dewel, kai hi an o pralstuno bolepen, dals man kek latcho koowa koleske!

Hiob 36:5

O Dewel hi baro un sorelo, un dikell ap kekeste tele. Koi hi tchi, hoi haiwell un djinell job gar.

Hiob 36:22

Dik, har baro o Dewel hi! Leskri soor hi bareder har halauter! Koon hi i sikepaskro har job?

Hiob 37:23

Pash leste, ko soreleste, nai wah mer gar. Leskri soor hi baro. Hako tsiro krell lo, hoi mishto hi, un dell hakeneske peskro tchatchepen.

Hiob 42:2

Me haiwom kanna, te nai kreh tu halauter. Un halauter, hoi kameh te krell, kowa kreh tu ninna.

Debleskri gili 66:3

Penenn ap o Debleste: Har baro hi kowa lauter, hoi tu kral. Kolla, kai tut gar kaman, hunte tchiwenn pen tele glan tute, glan tiri bari soor!

Debleskri gili 76:8

Glan tute kokres hunte well men daar. Koon nai atchell tardo glan tute, tu te choireh tut?