Hiob 24:12 - O Debleskro Drom 2021 (Sinte)

¹² An i forja denn kolla gole, kai hi dukedo un merenn. Un o Dewel dell kek jak ap ko narwelo koowa, hoi i tchilatche krenn.

O Debleskro Lab 2024 (Sinte-Manouche)

¹² An i forya denn kolla gole, kay hi doukedo oun merenn. Oun o Devel dell kek yak ap ko narvelo koova, hoy i čilače krenn.

Hiob 24:12 Referans Kwoze

Sikepaskro 4:1

Palle dikom halauter, hoi gar tchatcho hi ap i phub. Me dikom i swa kolendar, kai dan le lenge gar lengro tchatchepen, un kolenge kek ap i rig was. Kolla, kai kran lenge tchilatchepen, his sorelo. Doleske was kek ap lengri rig.

2. Petro 3:15

Dikenn, te well maro rai Jesus gar jaake sik pale, krell lo kowa, te dell lo i menshen gomme i tsiro, te wenn le pash leste. Kowa tchinas tumenge ninna maro kamlo phraal Paulo, koles o Dewel bud goswepen das.

Maleachi 3:15

Doleske sharas mer kolen, kai phurdenn pen pre pral o baro Debleste. Kol tchilatchenge djal mishto. Ninna te krenn le, hoi o Dewel gar kamell, krell lo lenge tchi. Kek bibacht well pral lende.’

Maleachi 2:17

Tumer choirenn o baro Debles tumaro rakepah! Tumer penenna: ‘Har choiram mer les?’ Tumaro rakepen hi: ‘An o baro Debleskre jaka hi i tchilatche latcho. Job kamell len.’ Tumer penenn ninna: ‘Kai hi o Dewel, kai men i phagi della?’

Jesaja 52:5

Hoi krap me kate? penell o baro Dewel. Mire menshe wan tchitcheske pandles krik lino. Kolla, kai kran pen rai pral lende, sanenn un phurdenn pen pre, penell o baro Dewel. Un o tselo diwes rikrenn le man dineleske.

Debleskri gili 109:22

Me hom tchorwelo un kek hi ap miri rig. Miro dji hi phagedo.

Debleskri gili 69:26

Mu well koi platsa paash dino, kai lengre plachtene khera tardo hi, te djiwell buder kek mensho koi.

Debleskri gili 50:21

Kowa kral tu, un me penom kek lab. Koi rikral tu man har jek, kai hi jaake har tu. Me sikrau tut koi doosh, hoi anal ap tute, un anau tuke tiro tchilatcho koowa glan tire jaka.

Debleskri gili 12:5

un penenna: “Mer haiwah te rakrell. Maro rakepah ham soreles. Koon hi o pralstuno pral mende?”

Hiob 9:23

Te well i bari bibacht, un marell menshen ap jek kopo, palle sal lo pral kowa, ninna te hi kek doosh ap lende.

Čačepangre 10:16

Un jon witsran kol wawar deblen pendar krik un mangan o baro Debles an. Koi khaitas les, te well o Israeleske jaake pharo kerdo.”

2. Mose 22:27

Ma praasse o Debles! Un ma rake bibacht win pral i pralstuno tire menshendar!

Hiob 9:24

Job das i phub an o wast i tchilatchendar. Un kolla, kai o tchatchepen win krenn, kolen kras lo korelo, te dikenn le tchi. Te his job kowa gar, koon wawar his kowa?

Hiob 24:11

Mank barra krenn le djet, un stakrenn i drake, te krenn le mool, un koi pashel hunte trushenn le.

Hiob 24:13

Tchilatche menshe kamenn gar o diwes, un djan gar ap dromma, ap kolende o kham perell. Sawe dromendar djan le tele.

1. Mose 4:10

Un o Dewel penas: “Hoi kral tu? Shun! Tiro phraleskro rat dell gole pal mande dran i phub.

Debleskri gili 10:13

Hoske nai praassell tut kowa, kai kamell tutar tchi te djinell? Hoske nai penell lo an peskro dji: “O Dewel putchella gar palla.”

Jeremia 12:1

Baro Dewel, kamoms gar te penap, kai tu doosh ap tute anal. Djinau, tu hal an tiro tchatchepen. Ninna te hi jaake, kamau te putchap tutar, har nai haiwap tiro tchatchepen. Hoske djal kolenge mishto, kai djiwenn i tchilatcho djipen? Hoske hi kolen, kai tutar krik djan, halauter, hoi len hunte well?

Jeremia 12:2

Jon hi har ruka, kai tu tchiwal an i phub. Jon wan baro un sorelo, un hidjrenn bud rukengre. Lengro mui rakrell latchepen tutar, lengro dji hi dur tutar krik.