Hiob 22:3 - O Debleskro Drom 2021 (Sinte)

³ Te hal tu i latcho un tchatcho mursh, un kek doosh hi ap tute, hi o sorelo Debles tchomone kolestar?

O Debleskro Lab 2024 (Sinte-Manouche)

³ Te hal tou i lačo oun čačo morsh, oun kek doosh hi ap toute, hi o zorelo Debles čomone kolestar?

Hiob 22:3 Referans Kwoze

2. Korintarja 7:1

Mire phrala, kol latche labentsa penas o Dewel, hoi kamell lo menge te krell. Doleske mukas mer kol tselo djungelo koowa, un kras mare djia djudjo, te djiwas latches un tchatches glan o Debleste, jaake har job mendar kamella.

Bičepangre 24:16

Doleske krau lauter te djiwap jaake, te well man hako tsiro i djudjo dji glan o Debleste un glan i menshende.

Maleachi 2:17

Tumer choirenn o baro Debles tumaro rakepah! Tumer penenna: ‘Har choiram mer les?’ Tumaro rakepen hi: ‘An o baro Debleskre jaka hi i tchilatche latcho. Job kamell len.’ Tumer penenn ninna: ‘Kai hi o Dewel, kai men i phagi della?’

Gosewe laba 15:8

O baro Dewel dikell chojedes ap kowa, hoi o tchilatcho leske anell. Te mangenn les kolla an, kai an o tchatchepen tardo hi, dikell lo latches ap lengro mangepen.

Gosewe laba 12:22

O baro Dewel dikell chojedes ap kolende, kai chochenna. Latches dikell job ap kolende, kai krenn o tchatchepen.

Gosewe laba 11:20

O baro Dewel dikell chojedes ap kolende, kolen dui djia hi. Latches dikell lo ap kolende, kai o tchatcho drom djan.

Gosewe laba 11:1

I waga, hoi sikrell gar tchatches, har pharo tchomone hi, hi i djungelo koowa glan o baro Debleskre jaka. Job hi bachtelo pral koleste, kai plaissrell pal o tchatcho pharepen.

Debleskri gili 119:59

Me dau jak, har me miro djipen djiwap, un djau tiro drom jaake har tu les menge sikral.

Debleskri gili 39:1

I gili o rajeske pral i gipangre, o Jedutun. O David kras kai gili.

1. Familjakro liil 29:17

Miro Dewel, djinau, te dikeh an o dji. Un tuke hi mishto, te hi i menshes i tchatcho dji. Doleske dom tut kawa lauter mandar dran i tchatcho dji, un hom bachtelo te dikau, kai tire menshe, kai kate glan tute tardo hi, tute ninna lauter pendar win dan.

Filiparja 4:18

Kanna hi man lauter, hoi man hunte well djipaske, un budeder har doha. O Epafrodito anas mange kowa lauter, hoi tumer mange bitchran. Kowa hi jaake, har te anans tumer o Debleske latcho koowa, hoi sungell mishto, un kai dikell lo latches pre un hi bachtelo pral kowa.

Hiob 22:2

Nai well kowa, hoi i mensho krell, o Debleske tchomone moldo? Te hi i menshes goswepen, hi kowa leske kokres tchomone moldo.

Hiob 22:4

Tchingrell o Dewel tuha, un dell tut i phagi doleske, kai djiweh leha!

Hiob 35:7

Te hal tu an o tchatchepen tardo, hoi hi les kolestar? Na-a, tu nai deh leske tchi dran tiro wast, hoi leske tchomone moldo hi.

Hiob 21:15

Koon hi o sorelo Dewel, te budras mer leske? Hoi hi kowa menge moldo, te mangas les an?”

Hiob 34:9

Job penas kokres: Tchi hi jekes kolestar, te kamell lo o Debleskro maal te well!

Gosewe laba 9:12

Te hal gosewo, hi kowa tuke bud moldo. Te hal pre-phurdo, hunte hidjress kokres, hoi kowa tuke anell.