Hiob 22:25 - O Debleskro Drom 2021 (Sinte)

²⁵ palle well tuke o sorelo Dewel har tiro sonakai un kutch rup.

O Debleskro Lab 2024 (Sinte-Manouche)

²⁵ palle vell touke o zorelo Devel har tiro sonakay oun kouč roup.

Hiob 22:25 Referans Kwoze

Jesaja 33:6

Un tumer menshe an Jerusalem, tumenge well i tsiro, kai hunte darenn tchi. Bud bacht un goswepen well tumenge. Tumer djinenn, hoi tumenge mishto un gar mishto hi, un djiwenn o baro Debleha. Job hi tumaro bareder brawlepen.

1. Mose 15:1

Koi pal mukas o baro Dewel o Abrames leskri gole te shunell un penas ap leste: “Ma traash, Abram! Me rikrau mire wasta pral tute. Un me hom tuke i baro brawlepen.”

Jakobo 2:5

Shunenn, mire kamle phrala! O Dewel rodas kolen win, kai hi tchorwelo ap kai phub, te wenn le brawelo an o patsepen. Ko tsiro wella, kai djiwenn le leha khetne an o bolepen un lenn leskro brawlepen. Kowa lenna kolla, kai kamenn les o djijestar. Jaake penas les o Dewel.

Jesaja 41:10

Ma dare! Me hom tuha! Ma dik darenes! Me hom tiro Dewel! Me krau tut soreles, me wau ap tiri rig, awa, me rikrau tut miri tchatchi mussjah, hoi krell tut sorleder har i wawar.

Debleskri gili 84:11

Jek diwes ap i platsa glan tiro kheer hi feteder har i serja wawar diwessa. Me kamau budeder te wap tardo pash o wudar glan tiro kheer, har te djiwap pash i tchilatchende.

Debleskri gili 18:2

Un job penas: Baro Dewel, miro tselo djijestar kamau tut. Tu kreh man soreles.

2. Korintarja 6:10

Menge hi ropaske, un mer nai sanah. Mer ham tchorwelo, un krah i wawaren brawelo. Men hi tchi ap kai phub, un lauter hi menge.

Remarja 8:31

Hoi te penas mer budeder? O Dewel hi ap mari rig! Koon nai krell menge i tchilatchepen? Kek!

Hiob 22:24

Te hi tuke tiro sonakai gar budeder moldo har tchik, tiro latcheder sonakai gar budeder har kol barra an i tikne panja,

Hiob 22:26

Palle hal bachtelo pral o sorelo Debleste. Un tu hadeh tiro shero pre pash leste.

Hiob 3:15

Woms tchiddo mank i pralstunende, kolen sonakai his, un kolengre khera pherdo rup his.

Ropaskre gilja 3:24

Me penau mange: O baro Dewel hi halauter, hoi man hunte well; doleske dikau ap leste.