Hiob 2:13 - O Debleskro Drom 2021 (Sinte)

¹³ Un jon his kote pash leste ap i phub beshdo efta diwessa un efta ratsja. Un kek lendar rakras leha. Jon dikan, leskre duka his baro un pharo.

O Debleskro Lab 2024 (Sinte-Manouche)

¹³ Oun yon his kote pash leste ap i phoub beshdo efta divessa oun efta ratsya. Oun kek lendar rakras leha. Yon dikan, leskre douka his baro oun pharo.

Hiob 2:13 Referans Kwoze

1. Mose 50:10

Un jon wan ap i platsa, hoi kharella Goren-Atad. Koi platsa hi tchiddo ap i wawar rig o panjestar Jordan. Kote rowan le un dan bari gole pral o Jakobeskro merepen. Un o Josef rowas lentsa efta diwessa pral peskro dadeste.

Ezekiel 3:15

Un me wom pash kolende, kai pandlo krik anlo his, un an o gab Tel-Abib djiwan pash o lengsto pani, hoi kharell Kebar. Efta diwessa homs kote beshdo pash lende, un homs har mulo kolestar, hoi dikom.

Nehemia 1:4

Un har me kol laba shunom, beshom man koi un rowom an bari duk budeder diwessa. Un me chom tchi, un mangom o Debles an o bolepen,

Jesaja 3:26

I menshe an tiro foreskre wudja, Jerusalem, denn palle gole un rowenn. Un o foro hi palle wi-tchoredo un muklo.

Debleskri gili 77:4

Har djas mange o Dewel an o shero, phagas miro dji. Har rakrom miro djijeha, wan mange i swa.

Hiob 4:2

Te rakrau ap tute, muk kowa tuke gar chojedo te krell. Me nai rikrau gar mire laba pale.

1. Mose 1:8

Un o Dewel das o bolepen o lab ‘bolepen’. Un was rati un pale taissarlakro. Kowa his o duito diwes.

1. Mose 1:5

Un o Dewel das o diwes ko lab ‘diwes’ un ap i rati penas job ‘rati’. Jaake was rati un pale taissarlakro. Kowa his o ersto diwes.

Esra 9:3

Har kowa shunom, krom miri baja un miro gad paash, un tserdom mange miro baal dran o shero un dran o tchor, un beshom man koi, un homs beshdo har mulo i dukatar.

Jesaja 47:1

Tele tumentsa, tumer Babilonarja, tumer, pral kolende bis kanna kek o sorleder his! Beshenn tumen an i tchik! Tumer dran o them Kaldea hans beshdo har i rajetsa ap peskri beshepaskri. Kanna besh tut ap i phub! Tutar penell kek buder: ‘Babilon, koi shukar tchai’ un ‘Babilon, koi raili’.

Hiob 3:1

Pal kowa kras o Hiob peskro mui pre, un praassas ko diwes, kai lo boldo was.

Ropaskre gilja 2:10

I phure an o foro Jerusalem hi beshdo ap i phub, un penenn kek lab. Jon witsran tchik ap pengro shero, un riwan gone ap pende. I terne tchenge an o foro Jerusalem hi ropaske. Jon djan ap pengre tchanga o mujeha ap i phub.