Hiob 19:6 - O Debleskro Drom 2021 (Sinte)

⁶ Dikenn tumer gar dren, te hi kowa o Dewel, kai djas gar mishto mantsa trujel? Hi jaake, har te taprals lo man an i netsa.

O Debleskro Lab 2024 (Sinte-Manouche)

⁶ Dikenn t'mer gar dren, te hi kova o Devel, kay djas gar mishto mantsa trouyel? Hi yaake, har te taprals lo man an i netsa.

Hiob 19:6 Referans Kwoze

Hosea 7:12

Te krenn i menshe an o them Efrajim jaake dureder, witsrau me miri netsa pral lende, un taprau len har tchirkle, un dau len pengri phagi, jaake har lenge penom, har jon khetne his.

Ezekiel 32:3

Kawa penell o baro Dewel, maro rai: Me bitchrau bud menshen dran bud themma pash tute. Kolla witsrenn miri netsa pral tute, un taprenn tut, un tserdenn tut win dran o pani.

Ezekiel 12:13

Me, o baro Dewel, witsrau miri netsa pral leste win, te well lo tapedo an mire dorja. Un pandles well lo an o them anlo, kai i Babilonarja djiwenn. Ko them nai dikell lo gar. Un kote merell lo.

Hiob 27:2

O Dewel kras, te lap gar miro tchatchepen. O sorelo Dewel kras miro djipen shutlo. Me dau man sowel pash o djido Debleste:

Hiob 7:20

Tu hal kowa, kai lell i menshen an o jak. Lom me doosh ap mande? Te wals kowa jaake, hoi krom me koleha tuke? Hoske hom me kowa, ap koleste karje deh? Hom me tuke i pharepen, hoi hunte hidjress?

Louka 21:20

“Te dikenn tumer, kai bud lurde trul o foro Jerusalem tardo hi, palle djinenn tumer, kai jon ko foro paash krenna.

Hiob 3:23

Hoske hunte djiwell kowa, koleskro drom khatedo hi, un koles o Dewel haki rigjatar dren pandas?

Hiob 6:29

Mukenn tele, tchilatchepen ap mande pre te anell! Awa, mukenn tele koleha! O tchatchepen hi ap miri rig!

Hiob 10:3

Hoi aneh kawa tuke, te rikreh man sorjah tele? Hoske witsreh man tutar krik, man, koles tire wasta kran, un mukeh kowa mishto te djal, hoi lan pen i tchilatche glan?

Hiob 19:22

Hoske lenn tumer man palla har o Dewel kowa krell? Kran tumer mange gomme gar doha duka?

Hiob 30:21

Tu wal mange har i tchilatcho, un tiri tseli sorjah leh man palla.

Hiob 40:8

Kameh tu tchatchepah te penell, me djau gar pal o tchatchepen? Peneh, te anom me doosh ap mande, te nai wess tu koi tardo, har te wals tut tchatches?

Hiob 8:3

Patseh tchatchepah, te krell o sorelo Dewel gar, hoi mishto un tchatcho hi? Patseh, te rissrell lo peskre tchatchepaskre laba trujel?